ناۋقان اياسىندا ەكولوگيا جانە تابيعي رەسۋرستار ءمينيسترى الىبەك قۋانتىروۆ پەن استانا قالاسىنىڭ اكىمى جەڭىس قاسىمبەك اتقارىلعان جۇمىستار جونىندە بايانداما جاسادى.
- بۇگىن ءبارىمىز بىرگە وسى ساياباقتا تال ەگىپ، ورتاق پاراساتتى ىسكە اتسالىستىق. بۇل شىن مانىندە قوعامىمىز بەن جالى ەلىمىز ءۇشىن اسا قاجەتتى جانە پايدالى جۇمىس. بارشاڭىزعا مەملەكەتتىك ساياساتتى ۇنەمى قولداعاندارىڭىز ءۇشىن شىنايى ريزاشىلىعىمدى بىلدىرەمىن، - دەدى مەملەكەت باسشىسى.
پرەزيدەنت وسىنداي يگى ىسكە ءوز ۇلەسىن قوسىپ جۇرگەن جاستاردى ناعىز وتانشىل ازامات دەپ سانايتىنىن جەتكىزدى. سەبەبى وتانعا، تۋعان جەرگە دەگەن سۇيىسپەنشىلىك ءوز ۇيىڭنەن، ءوز اۋىلىڭ مەن قالاڭنان باستالادى.
- تابيعاتتى ايالاۋ، قورشاعان ورتاعا قامقور كوزبەن قاراۋ - ۇلتىمىزدىڭ بولمىسىندا بار اسىل قاسيەت. بۇل بالالارىمىزدىڭ بىزگە قالدىرعان وسيەتى ءارى اماناتى. ال جاڭا كونستيتۋتسيامىز بويىنشا وسى كوزقاراس پەن ءىس-شارالار ازاماتتىق مىندەت بولىپ سانالادى. سوندىقتان ءبىز جاپپاي ءبىر ەل بولىپ باستاعان «تازا قازاقستان» جالپىۇلتتىق جوباسىنىڭ قوعامدىق جانە تاريحي ءمانى ايرىقشا. ءبىز ەكولوگيالىق مادەنيەتى جوعارى ەل بولۋىمىز كەرەك. تاعى دا اتاپ وتەيىك، بۇل - مەملەكەتىمىزدىڭ كونستيتۋتسياسىندا ايقىندالعان اسا ماڭىزدى مىندەت، - دەدى قاسىم-جومارت توقايەۆ.
ايتا كەتەيىك، 19-قىركۇيەكتە دۇنيەجۇزىلىك تازالىق كۇنى (World Cleanup Day) اتالىپ وتەدى. بۇل كۇنى ەلىمىزدىڭ بارلىق وڭىرىندە «تازا قازاقستان» جوباسى اياسىندا اۋقىمدى ەكولوگيالىق اكسيالار وتەدى.
ەسكە سالا كەتسەك، «تازا قازاقستان» جالپىۇلتتىق ەكولوگيالىق اكتسياسى 2024-جىلى باستالدى. سول جىلى پرەزيدەنت قاسىم-جومارت توقايەۆ قوعامدا تازالىق مادەنيەتىن قالىپتاستىرۋ باستاماسىن كوتەرگەن ەدى.
بيىل ەلوردانىڭ 1,4 ميلليوننان استام تۇرعىنى ەكواكتسيالارعا قاتىسقان، 1 مىڭ توننادان استام قوقىس شىعارىلعان.