- ۇلتتىق مەرەكەمىز - رەسپۋبليكا كۇنى قارساڭىندا قازاقستان رەسپۋبليكاسى پرەزيدەنتىنىڭ جارلىعىمەن ەلدىڭ الەۋمەتتىك-ەكونوميكالىق جانە مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى جانە بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. ولاردىڭ قاتارىندا ەڭبەك ارداگەرلەرى، جۇمىسشى ماماندىقتاردىڭ، ءوندىرىس، بيزنەس، ءبىلىم، عىلىم، دەنساۋلىق ساقتاۋ سالالارىنىڭ وكىلدەرى، اسكەري قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، مادەنيەت جانە ونەر قايراتكەرلەرى بار،- دەلىنگەن حابارلامادا.
«قازاقستاننىڭ ەڭبەك ەرى» اتاعى وندىرىسكە سىڭىرگەن ەڭبەگى ءۇشىن «Kazakhmys Smelting» ج ش س جەزقازعان مىس بالقىتۋ زاۋىتىنىڭ بالقىتۋشىسى ءا. دوسپانوۆقا بەرىلدى.
«وتان» وردەنىمەن كورنەكتى مادەنيەت جانە ونەر قايراتكەرى، كومپوزيتور، «مۋزارت» توبىنىڭ ەلىمىزدە جانە شەت ەلدە تانىلۋى جولىندا ەرەكشە ءرول اتقارعان ا. قورازبايەۆ ماراپاتتالدى.
I دارەجەلى «بارىس» وردەنى «TNS-group» كونسەرنى» زاڭدى تۇلعالار بىرلەستىگىنىڭ پرەزيدەنتى ت. جۇماعۇلوۆقا جانە اكتەر ن. ىقتىمبايەۆقا؛
Ⅱ دارەجەلى «بارىس» وردەنى ءبىلىم سالاسىنىڭ ارداگەرى ە. مامبەتقازيەۆقا، «قازاقستان رەسپۋبليكاسى الپينيزم جانە تاۋعا ورمەلەۋ فەدەراتسياسى» زاڭدى تۇلعالار بىرلەستىگىنىڭ ۆيتسە-پرەزيدەنتى ق. ۋاليەۆكە؛
Ⅲ دارەجەلى «بارىس» وردەنى «نوۆو- پريرەچنوە» ج ش س ديرەكتورى ۆ. تيۋركينگە، «ارداگەرلەر ۇيىمى» رەسپۋبليكالىق قوعامدىق بىرلەستىگى اقتوبە وبلىستىق فيليالىنىڭ ءتوراعاسى س. شاڭعۇتوۆقا جانە باسقالارعا بەرىلدى.
ەل دامۋىنا ەڭبەگى سىڭگەن بەلگىلى عالىمدار مەن مادەنيەت قايراتكەرلەرى، وندىرىستىك سالا وكىلدەرى «پاراسات» وردەنىمەن ماراپاتتالدى. ولاردىڭ اراسىندا «اقمايا» شارۋا قوجالىعىنىڭ ءتوراعاسى د. جۇمبەكوۆ، «ا. بايتۇرسىن ۇلى اتىنداعى ءتىل ءبىلىمى ينستيتۋتى» رەسپۋبليكالىق مەملەكەتتىك كاسىپورنىنىڭ باس عىلىمي قىزمەتكەرى ن. ءۋالي، ارحەولوگ ا. پودۋشكين، «قاراعاندى مەديتسينالىق ۋنيۆەرسيتەتى» ك ە ا ق پروفەسسورى م. تۇسىپبەكوۆا، «رادۋگا» ج ش س باس ديرەكتورى د. شاراپايەۆ جانە باسقالارى بار.
«قۇرمەت» وردەنىمەن «وزەنمۇنايگاز» ا ق كران ماشينيسى ب. دوسقارين، قاراعاندى وبلىستىق دەنساۋلىق ساقتاۋ باسقارماسىنىڭ «كوپبەيىندى وبلىستىق بالالار اۋرۋحاناسى» كمك بولىمشە مەڭگەرۋشىسى ە. كالمباح، سولتۇستىك قازاقستان وبلىسىنداعى «استىق- STEM» ج ش س باس اگرونومى ت. حاميدۋللين، «زدوروۆايا ازيا» ونكولوگيالىق اۋرۋلاردى قولداۋ جونىندەگى قوعامدىق قورىنىڭ نەگىزىن قالاۋشى ن. پلوحيح، قىزىلوردا وبلىسىنداعى «قامقورلىق» وڭالتۋ ورتالىعىنىڭ باسشىسى ا. مۇسافيروۆا، اتىراۋ وبلىسىنداعى سۋ شارۋاشىلىعىنىڭ ارداگەرى ن. قوناس، اقتوبە وبلىسىنىڭ «كوپسالالى وبلىستىق بالالار اۋرۋحاناسى» م ك ك بالالار دارىگەرى ب. مەدەتبايەۆ جانە باسقالارى ماراپاتتالدى.
قوعامدىق كەلىسىمدى جانە ۇلتارالىق قاتىناستاردى نىعايتۋعا قوسقان ۇلەسى ۇشىن «ەل بىرلىگى» وردەنىنە «الماتى قالاسىنىڭ تۇرىكمەن قوعامدىق-مادەني ورتالىعى» قوعامدىق بىرلەستىگىنىڭ قۇرمەتتى ءتوراعاسى گ. انناكۋليەۆا، قاراعاندى وبلىسى «شەشەن- ينگۋش «ۆايناح» ەتنومادەني بىرلەستىگى» قوعامدىق بىرلەستىگىنىڭ ءتوراعاسى ۋ. دجانايەۆ، «ۆوزروجدەنيە» قازاقستاندىق نەمىستەردىڭ بىرلەستىگى» قوعامدىق قورىنىڭ اتقارۋشى ديرەكتورى د. رەدلەر، «Tamos Space School» ج ش س مۇعالىمى د. روماشەنكو يە بولدى.
ونەركاسىپ، كولىك، قۇرىلىس، اۋىل شارۋاشىلىعى جانە باسقا دا وندىرىستىك سالا ەڭبەككەرلەرى III دارەجەلى «ەڭبەك داڭقى» وردەنىنىڭ كاۆالەرى اتاندى. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى مادەنيەت سالاسىنىڭ كورنەكتى وكىلدەرى ب. بايمەنگە، ت. مۇسىلىمگە، پ. پالتايەۆقا، م. سايلانبەككە، ا. تەمكيناعا جانە باسقا دا تۇلعالارعا بەرىلدى.
«قازاقستاننىڭ ەڭبەك سىڭىرگەن ۇستازى» اتاعىنا پەداگوگتەر جانە ءبىلىم بەرۋ سالاسىنىڭ وكىلدەرى ن. كاراندا، ك. ءماجيتوۆا، ە. ومارحانوۆ، ن. سافيۋللينا، «قازاقستاننىڭ حالىق ءارتىسى» اتاعىنا ونەر قايراتكەرلەرى ت. مۇسابايەۆ، ن. وتەۋلوۆ لايىق دەپ تانىلدى.
ءبىرقاتار مەديتسينا قىزمەتكەرى، سونىڭ ىشىندە ت. شارمانوۆ اتىنداعى ۇلتتىق مەديتسينالىق ۋنيۆەرسيتەتتىڭ پروفەسسورى ت. تاركينا «قازاقستاننىڭ ەڭبەك سىڭىرگەن دارىگەرى» قۇرمەتتى اتاعىنىڭ يەگەرى اتاندى.
اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە، ۇلتتىق قاۋىپسىزدىكتى نىعايتۋدا كورسەتكەن ەرلىگى مەن جانقيارلىعى ءۇشىن اسكەري قىزمەتشىلەر جانە قۇقىق قورعاۋ ورگاندارى وكىلدەرىنىڭ ءبىر ءتوبى I، Ⅱ دارەجەلى «داڭق» وردەندەرىمەن، I، Ⅱ، Ⅲدارەجەلى «ايبىن» وردەندەرىمەن، «ەرلىگى ءۇشىن»، سونداي-اق «جاۋىنگەرلىك ەرلىگى ءۇشىن» مەدالدارىمەن ماراپاتتالدى. بارلىعى 129 ەڭبەك ارداگەرى، ونەركاسىپ، كولىك، قۇرىلىس، اۋىل شارۋاشىلىعى جانە باسقا دا سالالاردىڭ 473 جۇمىسشىسى، شاعىن جانە ورتا بيزنەستىڭ 200 دەن استام وكىلى، 150 دەن اسا پەداگوگ پەن عالىم، 120 عا جۋىق مەديتسينا قىزمەتكەرى، سونداي-اق كۇندەلىكتى ەڭبەگىمەن ەل دامۋىناۇلەس قوسىپ جۇرگەن وزگە دە ازاماتتار مەملەكەتتىك ناگرادالارعا يە بولدى.