- الدىمىزدا ءبىر ۇلكەن ماقسات تۇر. ول - ادىلەتتى، قۋاتتى، تازا ءارى پروگرەسسيۆتى قازاقستاندى قۇرۋ. ءبىز زور مۇمكىندىكتەرمەن قاتار، ۇلكەن قاۋىپ-قاتەرلەر دە قاتار جۇرەتىن داۋىرگە قادام باستىق. ۇلتتىڭ بولمىسى ءدال وسىنداي تاعدىرشەشتى كەزەڭدەردە ايقىن كورىنەدى. ەنجارلىق تانىتىپ، كۇتىپ وتىرۋ تاريحي جەڭىلىسپەن تەڭ. زامان تالابىنا بەرەتىن بىردەن-ءبىر دۇرىس جاۋاپ - ستراتەگيالىق تۇرعىدان وزىق ارەكەت ەتىپ، قازاقستاننىڭ بولاشاق كەلبەتىن قالىپتاستىرۋ. ايتپەسە، ءبىز ۇنەمى باسقالاردىڭ سوڭىنان قۋىپ جەتۋگە تىرىساتىن دامۋ جولىنانان شىعا المايمىز، - دەدى ول.
سونىمەن قاتار، پرەزيدەنت مەملەكەت پروگرەسىنىڭ ەڭ جوعارى ولشەمى ءارى بارلىق رەفورمانىڭ وڭ ناتيجەلەرىن تۇتىنۋشى، ياعني قازىرگى تىلمەن ايتقاندا، باستى بەنەفيتسيارى ازاماتتارىمىز ەكەنىن اتاپ ءوتتى.
- سوندىقتان مەنىڭ ستراتەگيالىق باعدارىما وزەك بولاتىن باستى يدەيا - ادىلەتتىلىك، - دەدى ول.
ايتا كەتەيىك، بۇعان دەيىن پرەزيدەنت ەل دامۋىنىڭ ۇزاقمەرزىمدى باسىمدىقتارىنا ارنالعان قۇجات ازىرلەۋدى تاپسىردى.