قاسىم-جومارت توقايەۆتىڭ پىكىرىنشە، كولىك-لوگيستيكا قارىم-قاتىناستى نىعايتاتىن نەگىزگى باعىتتاردىڭ ءبىرى سانالادى. پرەزيدەنت قازاقستان تەمىرجول جانە اۆتوكولىك ينفراقۇرىلىمىن، ورتا ءدالىز بويىنداعى تەڭىز پورتتارى مەن تەرمينالدارىن جاڭعىرتۋعا اۋقىمدى ينۆەستيتسيا قۇيىپ جاتقانىن مالىمدەدى.
- وسى ورايدا، ەۋروپاداعى ءىرى لوگيستيكالىق ورتالىقتىڭ ءبىرى رەتىندە بەلگيانىڭ باي تاجىريبەسىنەن ۇيرەنەرىمىز كوپ. انتۆەرپەن-بريۋگگە پورت كەشەنى مەن كاسپي تەڭىزىندەگى اقتاۋ، قۇرىق پورتتارى اراسىندا ناتيجەلى سەرىكتەستىك ورنايتىنىنا سەنىمدىمىز. بۇل قازاقستاننىڭ مەتال، مۇناي حيمياسى مەن اۋىل شارۋاشىلىعى ونىمدەرىن ۇلكەن نارىققا شىعارۋعا مۇمكىندىك بەرەدى، - دەدى قاسىم-جومارت توقايەۆ.
مەملەكەت باسشىسى جاساندى ينتەللەكت پەن تەحنولوگيالىق يندۋستريانى دامىتۋ ءوزارا سەرىكتەستىكتىڭ نەگىزگى باسىمدىعى ەكەنىن ايتتى.
- جاساندى ينتەللەكت پەن تسيفرلىق تەحنولوگيا مۇمكىندىگىن پايدالانا وتىرىپ، AlemAi، Alatau City سەكىلدى ءىرى باستامالاردى جەدەل ىسكە اسىرامىز. ونەركاسىپتىڭ وزىق سالالارى اتالعان ورتالىقتاردا قالىپتاسادى. بەلگيانىڭ جارتىلاي وتكىزگىشتەردى زەرتتەۋ سالاسىندا پوزيتسياسى مىقتى. وسى ارتىقشىلىقتى ەسكەرىپ، بىرلەسكەن جوبالاردى ىسكە اسىرۋعا جانە سەرىكتەستىكتى دامىتۋعا بولادى، - دەدى پرەزيدەنت.
وسىعان دەيىن توقايەۆ پەن كورول فيليپپ قازاقستان-بەلگيا ىسكەرلىك كەڭەسىنىڭ ءتورتىنشى وتىرىسىنا قاتىسقانىن جازعانبىز.