بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى اپپاراتتىڭ جاڭا مارتەبەسىن مەملەكەتتىك ينستيتۋتتاردى رەفورمالاۋ ۇدەرىسىمەن ساباقتاستىرا قاراستىرۋ قاجەت ەكەنىن اتاپ ءوتتى.
الەمدىك احۋال قۇبىلىپ تۇرعان كەزەڭدە قاۋىپسىزدىك كەڭەسى اسا ماڭىزدى ماسەلەلەر بويىنشا ناقتى ءارى جان-جاقتى سارالانعان شەشىمدەر قابىلدايتىن ورتالىققا اينالۋعا ءتيىس.
قاسىم-جومارت توقايەۆ قازىرگى سىن-قاتەرلەردىڭ سيپاتى ەداۋىر وزگەرگەنىنە نازار اۋداردى. وسى ورايدا كيبەرقاۋىپسىزدىكتى قامتاماسىز ەتۋگە جانە جاساندى ينتەللەكتىنى قولدانۋعا باسا ءمان بەرىلدى.
قاۋىپسىزدىك كەڭەسىنىڭ ءتوراعاسى الداعى ۋاقىتتا وزەكتىلىگى ارتا تۇسەتىن اقپارات، تەحنولوگيا، ازىق-تۇلىك، سۋ جانە ەنەرگەتيكا قاۋىپسىزدىگى ماسەلەلەرىنە ەرەكشە توقتالدى.
پرەزيدەنت اتالعان سالالارداعى باسىمدىقتاردى بەلگىلەپ، «زاڭ مەن ءتارتىپ» قاعيداتىن نەگىزگى باعدار رەتىندە اتادى.
كەڭەس قورىتىندىسى بويىنشا اپپاراتقا ءبىرقاتار ناقتى مىندەتتەر جۇكتەلدى.
قازاقستاننىڭ ۇلتتىق مۇددەسىن، ەگەمەندىگى مەن تۇراقتىلىعىن قورعاۋ قاۋىپسىزدىك كەڭەسى جۇمىسىنىڭ تيىمدىلىگىن ايقىندايتىن باستى ولشەم بولۋعا ءتيىس.