پرەزيدەنتكە «قازاق ءتىلى» قوعامى قازاق ءتىلىن وقىتۋ ادىستەمەسىن جەتىلدىرۋ، قازاقشا مازمۇندى بايىتۋ جانە جاڭا تەحنولوگيالار سالاسىندا ءتىلدىڭ قولدانىس اياسىن كەڭەيتۋ سەكىلدى ءۇش نەگىزگى باعىت بويىنشا جوبالاردى جۇزەگە اسىرىپ جاتقانى جونىندە باياندالدى.
راۋان كەنجەحان ۇلى openai كومپانياسىمەن بىرلەسكەن جوبا اياسىندا كولەمى 14 ميلليارد توكەن بولاتىن ءماتىن كورپۋسى قالىپتاسقانىن جانە 12 مىڭ ساعات اۋديوجازبا جيناقتالعانىن ايتتى.
سوڭعى ءۇش جىلدا Disney ،Pixar جانە Sony ستۋديالارىنىڭ 13 تانىمال فيلمى قازاق تىلىندە دىبىستالىپ، ۇلكەن ەكرانعا شىقتى.
Qazaq Tili Endowment قورىنىڭ جۇمىسى تۋرالى مالىمەت بەردى.
قازىرگە كەزدە قورعا تۇسكەن جارنا كولەمى 824 ميلليون تەڭگەگە جەتكەن.
مەملەكەت باسشىسى حالىقارالىق «قازاق ءتىلى» قوعامىنىڭ قىزمەتىنە جوعارى باعا بەرىپ، الداعى جوسپارلارى تابىستى بولۋىنا تىلەكتەستىك ءبىلدىردى.
پرەزيدەنت مەملەكەتتىك ءتىلدى ۇيرەتۋ، سونداي-اق عىلىمي شىعارمالاردى اۋدارۋ ىسىندە جاساندى ينتەللەكتىنىڭ الەۋەتىن بارىنشا پايدالانۋ ماڭىزدى ەكەنىن اتاپ ءوتتى.
ايتا كەتەيىك، پرەزيدەنت ازيا ويىندارى جانە ازيا پاراويىندارىنىڭ جۇلدەگەرلەرىن ماراپاتتادى.