- بۇعان دەيىن ايتقانىمداي، ەلىمىز جاڭا تاريحي كەزەڭگە قادام باسىپ كەلەدى. وسىنداي بەتبۇرىس كەزەڭىندە ۇلتتىق جوسپارلار مەن ستراتەگيالاردى سىني تۇرعىدا قايتا زەردەلەۋىمىز كەرەك. تاۋەلسىزدىگىمىزدىڭ كەلەسى ماڭىزدى بەلەسىنە قانداي «جۇكپەن» جەتەتىنىمىزدى ناقتى تۇسىنۋگە ءتيىسپىز، - دەدى قاسىم-جومارت توقايەۆ.
مەملەكەت باسشىسىنىڭ پايىمىنشا، ۇزاق مەرزىمدى پەرسپەكتيۆانى پايىمداۋ قازىرگى مىندەتتەرىمىز بەن باسىمدىقتارىمىزدى ايقىنداۋعا، ەگەمەندىكتىڭ ستراتەگيالىق باعىتىن نىق ۇستانۋعا جانە جاسامپاز جوسپارلاردى جۇزەگە اسىرۋعا مۇمكىندىك بەرەدى.
- سوندىقتان پرەزيدەنت اكىمشىلىگى ستراتەگيالىق جوسپارلاۋ جانە رەفورمالار اگەنتتىگىمەن بىرلەسىپ، ەڭ الدىمەن، قازاقستاننىڭ ستراتەگيالىق زەرتتەۋلەر ينستيتۋتىن قوسا العاندا عىلىمي ورتالىقتاردى تارتا وتىرىپ، ءبىر جىل ىشىندە ەلىمىزدىڭ دامۋ باسىمدىقتارىنا قاتىستى ۇزاق مەرزىمدى پايىمدى قامتيتىن قۇجات ازىرلەۋگە ءتيىس. بۇل ماڭىزدى قۇجاتتى ازىرلەۋگە دەپۋتاتتار دا ءوز ۇلەسىن قوسا الادى دەپ ويلايمىن، - دەدى پرەزيدەنت.
بۇعان دەيىن مەملەكەت باسشىسى ەل ومىرىندەگى تاريحي وزگەرىستەردىڭ بارلىعى حالىقتىڭ كوز الدىندا بولىپ جاتقانىن ايتقان ەدى.