مەملەكەت باسشىسى كەلىسسوز اياسىندا كامبودجا پرەمەر-ءمينيسترى حۋن مانەتتىڭ قازاقستانعا العاشقى ساپارى ەكىجاقتى قارىم-قاتىناستى جانداندىرۋعا جول اشاتىنىن جانە ورتاق نيەتتى ناقتى ىسكە ۇلاستىرۋعا مۇمكىندىك بەرەتىنىن اتاپ ءوتتى.
– بيىل ەكى ەل اراسىندا ديپلوماتيالىق بايلانىس ورناعانىنا 32 جىل تولىپ وتىر. وسى جىلدار ىشىندە مەملەكەتتەرىمىز سىندارلى ساياسي ديالوگ جۇرگىزىپ، ءوزارا ءتيىمدى ىنتىماقتاستىقتى دايەكتى تۇردە ىلگەرىلەتىپ كەلەدى. ءبىزدىڭ الداعى قادامدارىمىز بۇگىن قابىلدايتىن بىرلەسكەن مالىمدەمەدە كورىنىس تاپقان. سونداي-اق بىرقاتار قۇجاتقا قول قويامىز. قازاقستان كامبودجانى وڭتۇستىك-شىعىس ازياداعى سەنىمدى سەرىكتەسى جانە اسەان ۇيىمىمەن ىقپالداستىقتى كەڭەيتۋدەگى ماڭىزدى ەلدەردىڭ ءبىرى رەتىندە قاراستىرادى، – دەدى پرەزيدەنت.
قاسىم-جومارت توقايەۆ كەزدەسۋدە قازاقستان مەن كامبودجانىڭ حالىقارالىق ارەنادا، سونىڭ ىشىندە بۇۇ جانىنداعى ەكى ەلدىڭ تۇراقتى وكىلدىكتەرىنىڭ قىزمەتى اياسىندا بەلسەندى قارىم-قاتىناستى جولعا قويعانىن اتاپ ءوتتى.
پرەزيدەنت ب ۇ ۇ باس اسسامبلەياسىنىڭ كۇن تارتىبىندەگى بىرقاتار ماسەلە بويىنشا قازاقستاننىڭ باستامالارىنا كامبودجانىڭ قولداۋ كورسەتكەنىن جوعارى باعالادى.
15:09, 17 قازان 2026
پرەزيدەنت: كامبودجا – قازاقستاننىڭ وڭتۇستىك-شىعىس ازياداعى سەنىمدى سەرىكتەسى
استانا. KAZINFORM — پرەزيدەنت قاسىم-جومارت توقايەۆ پەن كامبودجا پرەمەر-ءمينيسترى حۋن مانەت اقوردادا كەڭەيتىلگەن قۇرامدا كەلىسسوز جۇرگىزدى.