استانا. KAZINFORM - مەملەكەت باسشىسى ق ح ر ءتوراعاسى شي جينپيڭگە كوڭىل ايتۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ جەدەلحاتتا قىتايدىڭ حۋنان ولكەسىندەگى پيروتەحنيكالىق زاۋىتتا بولعان جارىلىس سالدارىنان كوپتەگەن ادامنىڭ قازا تابۋىنا بايلانىستى سۋىت حاباردى تەرەڭ كۇيزەلىسپەن قابىلداعانىن جازعان.
پرەزيدەنت جاقىندارىنان ايىرىلعان وتباسىلارعا سابىر، ال جاراقات العان ادامداردىڭ ساۋىعىپ كەتۋلەرىنە تىلەكتەستىك ءبىلدىردى.
ەسكە سالا كەتەيىك، بۇعان دەيىن قىتايدا فەيەرۆەرك فابريكاسىنداعى جارىلىستان 21 ادام قازا تاۋىپ، 61 ادام زارداپ شەككەنىن جازعان ەدىك.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан