استانا. KAZINFORM - قاسىم-جومارت توقايەۆ پرەزيدەنت اسيف الي زارداري مەن پرەمەر-مينيستر شاحباز شاريفتى پاكىستاننىڭ ۇلتتىق مەرەكەسى - تاۋەلسىزدىك كۇنىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەت باسشىسى جەدەلحاتىندا ورنىقتى دامۋ جولىندا پاكىستاننىڭ ايتارلىقتاي تابىسقا جەتكەنىنە توقتالىپ، ەكىجاقتى جانە حالىقارالىق كۇن ءتارتىبىنىڭ اۋقىمدى ماسەلەلەرى بويىنشا ىنتىماقتاستىقتى ودان ءارى نىعايتۋعا ۇدايى بەيىل ەكەنىن ءبىلدىردى.
قازاقستان پرەزيدەنتى پرەمەر-مينيستر شاحباز ءشاريفتىڭ ەلدەرىمىزدىڭ ءوزارا ىقپالداستىعىنا تىڭ سەرپىن بەرەتىن استاناعا مەملەكەتتىك ساپارىنا ەرەكشە دەن قويىپ وتىرعانىن اتاپ ءوتتى.
قاسىم-جومارت توقايەۆ اسيف الي زارداري مەن شاحباز شاريفتىڭ جاۋاپتى قىزمەتتەرىنە تابىس، ال دوستاس پاكىستان حالقىنا قۇت-بەرەكە تىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан