استانا. KAZINFORM - رەسەيدە تەراكت جاساۋ ارەكەتى كەزىندە قازاقستاننىڭ ەكى ازاماتى مەرت بولدى. بۇل اقپاراتتى ۇلتتىق قاۋىپسىزدىك كوميتەتى راستادى.
«ب ا ق-تا رەسەي فەدەراتسياسىندا قازاقستاننىڭ ەكى ازاماتىنىڭ تەررورلىق اكتى جاساۋدى ۇيىمداستىرۋعا ارەكەتى كەزىندە رەسەيدىڭ كۇشتىك قۇرىلىمدارىمەن كوزى جويىلعانى تۋرالى اقپارات جاريالاندى. بۇل ادامداردىڭ قازاقستاندىق ازاماتتىعى جانە رەسەيگە بارعانى راستالادى»، - دەلىنگەن كوميتەت تاراتقان اقپاراتتا.
اتالعان فاكتى بويىنشا ۇ ق ك سوتقا دەيىنگى تەرگەپ-تەكسەرۋ جۇرگىزۋدە. تەكسەرىس ىنتىماقتاستىق ارناسى اياسىندا رەسەي ف ق ق-مەن تىعىز بايلانىستا جۇزەگە اسىرىلۋدا.
وزگە اقپارات قىلمىستىق-پروتسەستىك كودەكستىڭ 201-بابى 1-بولىگىنە سايكەس جاريا ەتۋگە جاتپايدى.
اۆتور
مارلان جيەمباي
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан