ونىڭ سوزىنشە، ەلدە ءبىرتۇتاس قوعام بولىپ ادىلەتتى قازاقستاندى قۇرۋ ءىسىن قولعا الىندى.
- ءبىز ءبارىمىز ءبىرتۇتاس قوعام بولىپ ادىلەتتى قازاقستاندى قۇرۋ ءىسىن قولعا الدىق. ادىلەتتىلىك قاعيداتتارىن حالقىمىز اراسىندا دارىپتەپ جاتىرمىز. شىن مانىندە، ادىلەتتىلىك ەڭ جوعارى رۋحاني قۇندىلىق دەسەك دۇرىس بولادى. جاڭا پارتياعا «ادىلەت» اتاۋىن بەردىك. ءبىز تاريحي ۇردىستەرگە ادىلەتتى كوزبەن قاراپ، ءادىل باعا بەرۋىمىز كەرەك. سوندىقتان ەگەمەن قازاقستاننىڭ نەگىزىن قالاۋعا، ونىڭ وتە كۇردەلى ەكونوميكالىق جاعدايدا دامۋىنا، ەلىمىزدىڭ كوپتەگەن تاريحي جەتىستىككە قول جەتكىزۋىنە زور ۇلەس قوسقان تۇڭعىش پرەزيدەنت نۇرسۇلتان ءابىش ۇلى نازاربايەۆتىڭ ەسىمى ەشقاشان ۇمىتىلمايدى دەپ ويلايمىن. سەبەبى، بۇل - ادىلەتتىلىككە ساي كەلەتىن ماسەلە، - دەدى قاسىم-جومارت توقايەۆ.
بۇعان دەيىن مەملەكەت باسشىسى قاسىم-جومارت توقايەۆ رەسپۋبليكا كۇنى قارساڭىندا ءبىر توپ ازاماتتى مەملەكەتتىك ناگرادالارمەن ماراپاتتاۋ تۋرالى جارلىققا قول قويعانىن جازدىق.