قىتايلىق پوليتەحنيكالىق ۋنيۆەرسيتەت قازاقستان عىلىمنىڭ دامۋىنا ىقپال ەتەدى
استانا. KAZINFORM - بىلتىر ءال-فارابي اتىنداعى قاز ۇ ۋ-دا ق ح ر سولتۇستىك-باتىس پوليتەحنيكالىق ۋنيۆەرسيتەتىنىڭ (س ب پ ۋ) فيليالى اشىلدى.
وعان مەملەكەت باسشىسى قاسىم-جومارت توقايەۆتىڭ 2023 -جىلدىڭ مامىر ايىندا قىتايعا جاساعان مەملەكەتتىك ساپارى بارىسىندا ق ح ر ءتوراعاسى شي جينپيڭمەن كەزدەسۋى كەزىندە جاسالعان كەلىسىم نەگىز بولدى.
باستى ماقسات - ەكى ەل ۋنيۆەرسيتەتىنىڭ عىلىم مەن يننوۆاتسيا سالاسىندا بىرلەسىپ زەرتتەۋ جۇمىسىن جۇرگىزۋ، زاماناۋي تەحنيكا باعىتىنداعى مامانداردى دايارلاۋ. فيليالدا قازىرگى تاڭدا ماتەريالتانۋ جانە ينجەنەريا، ەلەكترونيكا جانە كوممۋنيكاتسيالىق تەحنولوگيالار، كومپيۋتەرلىك عىلىمدار سىندى ءبىلىم بەرۋ باعدارلامالارى بويىنشا ماگيسترانتتار ءبىلىم الۋدا.
وسى ورايدا، سولتۇستىك- باتىس پوليتەحنيكالىق ۋنيۆەرسيتەتىنىڭ (س ب پ ۋ) ءال-فارابي اتىنداعى قاز ۇ ۋ-داعى فيليالىنىڭ ديرەكتورى سوڭ كۋيڭ مىرزامەن سۇحباتتاسقان ەدىك.
- سوڭ كۋيڭ مىرزا، قىتاي حالىق رەسپۋبليكاسىنىڭ سولتۇستىك- باتىس پوليتەحنيكالىق ۋنيۆەرسيتەتى (س ب پ ۋ) قازاقستانداعى جەتەكشى ۋنيۆەرسيتەت بولىپ ەسەپتەلەتىن قاز ۇ ۋ-عا قانداي دايىندىقپەن كەلدى؟
- ەكى ۋنيۆەرسيتەت ىنتىماقتاستىعىنا دەيىن ءبىزدىڭ ۋنيۆەرسيتەت تەرەڭ زەرتتەۋلەر جۇرگىزىپ، وزىق تەحنولوگيالاردى ەنگىزۋ جانە يننوۆاتسيالار مەن عالىمدى دامىتۋعا جاڭا سەرپىن ەنگىزۋ ءۇشىن قولايلى جاعداي جاساۋعا باعىتتالعان قازاقستاننىڭ جاڭا تەحنولوگيالىق رەفورمالارى تۋرالى حاباردار بولدى. قازاقستاندا جاساندى ينتەللەكت، زاتتار ينتەرنەتى، روبوتوتەحنيكا جانە جاڭا ماتەريالدار سياقتى وزەكتى سالالاردا كۇشتى تەحنولوگيالىق تالاپتار بار.
قىتاي وسى سالاداعى زەرتتەۋلەردە ۇنەمى الدىڭعى قاتاردا. ءبىز قازاقستان ءۇشىن جوعارى ساپالى STEM تالانتتارىن بىرلەسىپ تاربيەلەۋ ءۇشىن جەرگىلىكتى ءبىلىم بەرۋ جانە زەرتتەۋ مازمۇنىن بىرلەسىپ جاسايمىز دەپ ۇمىتتەنەمىز.
نەلىكتەن س ب پ ۋ سەرىكتەس رەتىندە ءال-فارابي اتىنداعى قازاق ۇلتتىق ۋنيۆەرسيتەتىن تاڭدادى؟ ءال-فارابي اتىنداعى قازاق ۇلتتىق ۋنيۆەرسيتەتى قازاقستانداعى، ءتىپتى ورتالىق ازياداعى ەڭ مىقتى كەشەندى ۋنيۆەرسيتەت دەپ سانايمىز. 2023 -جىلى ول جاقسى اكادەميالىق ناتيجە كورسەتىپ، QS World University Rankings رەيتينگىندە 230-ورىنعا يە بولدى. ءبىز ايماقتاعى دارىندى جاستاردى تاربيەلەپ، ولاردىڭ جان- جاقتى دامۋىنا قولداۋ كورسەتە وتىرىپ، ورتالىق ازياداعى جەتەكشى فيليالدىق كامپۋس قۇرۋ ءۇشىن قازاقستاننىڭ ەڭ ۇزدىك ۋنيۆەرسيتەتىمەن ىنتىماقتاسۋدى ماقسات ەتەمىز.
- سىزدەر فيليال ستۋدەنتتەرىنە قانداي تالاپ قوياسىزدار جانە ول تالاپ ق ح ر س ب پ ۋ- دىڭ ستۋدەنتتەرىمەن بىردەي مە؟
- ءبىزدىڭ ۋنيۆەرسيتەتكە قابىلداناتىن جاستارعا مىناداي تالاپ قويىلادى: ستۋدەنتتىڭ فيزيكالىق جانە پسيحيكالىق دەنساۋلىعى مىقتى بولۋ كەرەك (جۇقپالى نەمەسە جۇقپالى اۋرۋلار جانە تۇراقتى وقۋعا كەدەرگى كەلتىرەتىن فيزيكالىق نەمەسە پسيحيكالىق اۋىتقۋلار جوق)؛ 2024 -جىلدىڭ 1-قىركۇيەگىندە وقۋعا ءتۇسۋدى كوزدەگەن ۇمىتكەرلەر جاسى 30 دان اسۋى كەرەك. سونداي-اق ءبىزدىڭ اكادەميالىق وقۋعا ساي، ارنايى تالاپتارىمىز بار: 2024 -جىلعى 1-قىركۇيەكتە ۇمىتكەرلەردىڭ باكالاۆر دارەجەسى بولۋى شارت جانە جيناعان بالدىق دەڭگەيى 75 پايىز جانە ودان جوعارى بال بولۋ كەرەك. تالاپكەرلەر سونىمەن بىرگە GRE جانە GMAT ۇپايلارى سياقتى اكادەميالىق قابىلەتتىلىكتىڭ باسقا دالەلدەرىن ۇسىنا الادى. ءبىزدىڭ س ب پ ۋ-عا تۇسەم دەگەن ۇمىتكەرلەر مىندەتتى تۇردە اعىلشىن ءتىلىن جاقسى ءبىلۋى كەرەك.
ناقتىراق ايتساق، IELTS Academic Test جالپى 6.0 نەمەسە ودان جوعارى (ءار ەلەمەنتتە 5.5-تەن كەم ەمەس) بالعا يە بولۋ كەرەك. TOEFL تەست باعدارلاماسى بويىنشا 80 نەمەسە ودان جوعارى (My best Scores, iBT home edition, Essentials, DI code C317 قابىلدانادى) بالمەن جانە Duolingo English Test 115 نەمەسە ودان جوعارى كورسەتكىشكە يە بولسا، وندا ءبىزدىڭ ۋنيۆەرسيتەتكە وقۋعا ءتۇسۋ ءۇشىن قۇجاتتارىن تاپسىرا الادى. قاز ۇ ۋ- داعى فيليالعا تۇسۋگە نيەت بىلدىرگەندەر قىتايلىق ەمەس ازاماتتار بولۋى شارت.
- س ب پ ۋ- دىڭ باستى ميسسياسى قانداي؟ حالىقارالىق رەيتينگ بويىنشا الەم بويىنشا قانداي ج و و- مەن باسەكەلەسسىزدەر؟ ولاردان قانداي ارتىقشىلىعى بار؟
- سولتۇستىك- باتىس پوليتەحنيكالىق ۋنيۆەرسيتەتى - اۆياتسيا، اەروعارىش جانە ناۆيگاتسيا سياقتى سالالاردا دارىنداردى تاربيەلەۋگە جانە عىلىمي زەرتتەۋلەر جۇرگىزۋگە باعىتتالعان ۋنيۆەرسيتەت. س ب پ ۋ ميسسياسى - ۇلت ءۇشىن دارىنداردى تاربيەلەۋ. ۋنيۆەرسيتەت ستۋدەنتتەردى تۇلعا رەتىندە تاربيەلەۋ، عالىمداردى قۇرمەتتەۋ، اكادەميالىق ورتانى ءوز جانىنداي قابىلداۋ جانە جاۋاپكەرشىلىككە باسا نازار اۋدارۋ سياقتى ءبىلىم بەرۋ فيلوسوفياسىنا ارقا سۇيەيدى. س ب پ ۋ كوشباسشىلاردى تاربيەلەۋ ءۇشىن ادامگەرشىلىك تاربيە پرينتسيپتەرىن ۇستانادى.
سولتۇستىك- باتىس پوليتەحنيكالىق ۋنيۆەرسيتەتى ARWU World University Rankings رەيتينگىندە 151-شى جانە TIMES World University Rankings رەيتينگىندە 326-ورىندا، ەكى رەيتينگ بويىنشا دۇنيەجۇزىندەگى ۇزدىك ۋنيۆەرسيتەتتەر قاتارىندا. س ب پ ۋ سونىمەن قاتار قىتايداعى وتاندىق ۋنيۆەرسيتەتتەر اراسىندا 25-ورىنعا يە بولدى.
اكادەميالىق پاندەردىڭ حالىقارالىق ىقپالى تۇرعىسىنان 10 ءپان، سونىڭ ىشىندە حيميا جانە فيزيكا ESI رەيتينگىندە جاھاندىق ۇزدىكتەر قاتارىندا، ال ماتەريالتانۋ، ينجەنەريا جانە ينفورماتيكا بويىنشا دۇنيەجۇزىلىك رەيتينگتەر بويىنشا دا الدىڭعى ورىندا. ءتورت ءپان الەمنىڭ ۇزدىك 10 رەيتينگىندە، ال التى ءپان وتاندىق توپ-10 رەيتينگىندە ورىن الىپ وتىر.
- س ب پ ۋ فيليالدارىندا ستۋدەنتتەر قانداي ماماندىق بويىنشا دايىندالادى؟ قاز ۇ ۋ-عا العاش قابىلدانعان ستۋدەنتتەر قانداي ماماندىق بويىنشا دايارلانىپ جاتىر جانە ولار قانداي ديپلوم الىپ شىعادى؟ ول ديپلوممەن قانداي كاسىپورىنداردا نە ۇيىمداردا جانە قانداي ەلدەردە جۇمىس ىستەي الادى؟
- فيليال كامپۋسى قازىرگى ۋاقىتتا ءۇش ماگيسترلىك ءبىلىم بەرۋ باعدارلاماسىن ۇسىنىپ وتىر: «ماتەريال تانۋ»، «اقپاراتتىق جانە تەلەكوممۋنيكاتسيالىق ينجەنەريا»، «كومپيۋتەرلىك عىلىمدار جانە تەحنولوگيا». ءبىرىنشى جىلى وسى باعدارلامالاردىڭ ءارقايسىسى بويىنشا ماگيسترانتتار وقۋعا قابىلداندى.
ەكى ۋنيۆەرسيتەتتىڭ تالاپتارىن ورىنداعان سوڭ، فيليال كامپۋسىنداعى ستۋدەنتتەر وقۋدى اياقتاعان سوڭ، سولتۇستىك-باتىس پوليتەحنيكالىق ۋنيۆەرسيتەتى مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ قوس ماگيستر دارەجەسىن الادى. ولار Microsoft, Google, JD.com, Huawei جانە بۇكىل الەم بويىنشا باسقالار سياقتى Fortune Global 500 كومپانيالارىندا مانساپتى جالعاستىرۋ مۇمكىندىگىنە يە بولادى. سونداي-اق ولار قازاقستاندىق كاسىپورىنداردا جۇمىس ىستەۋدى تاڭداي الادى نەمەسە سولتۇستىك- باتىس پوليتەحنيكالىق ۋنيۆەرسيتەتى مەن ءال-فارابي اتىنداعى قازاق ۇلتتىق ۋنيۆەرسيتەتىندە دوكتورانتۋرادا وقۋىن جالعاستىرا الادى
- س ب پ ۋ- دا قانشا شەت مەملەكەتىمەن قوسديپلومدى باعدارلاما جۇزەگە اسىرىلىپ وتىر؟
- سولتۇستىك- باتىس پوليتەحنيكالىق ۋنيۆەرسيتەتىندە 28 اكادەميالىق مەكتەپ بار، سونىڭ ىشىندە: اەروناۆتيكا، استروناۆتيكا، تەڭىز عىلىمى جانە تەحنولوگياسى، ماتەريالدار، تەلەكوممۋنيكاتسيالار، ينفورماتيكا، حالىقارالىق كوللەدج جانە لوندون ينجەنەرلىك مەكتەبىنىڭ كوروليەۆا مەري ۋنيۆەرسيتەتى. س ب پ ۋ 72 باكالاۆريات، 152 ماگيستراتۋرا جانە 55 دوكتورانتۋرا ماماندىقتارىن ۇسىنادى.
- سىزدەر تەحنيكالىق ج و و بولعاندىقتان، جىلىنا قانشا جانە قانداي مامانداردى دايارلاپ شىعاراسىزدار؟ تۇلەكتەر وقۋدى اياقتاعاننان سوڭ، ج و و ولاردىڭ جۇمىسقا ورنالاسۋىنا اتسالىسا ما؟
- وقۋ جىلىن اياقتاۋ ماۋسىمىنىڭ الدىندا س ب پ ۋ كامپۋس ىشىندە جۇمىسقا قابىلداۋ جارمەڭكەلەرىن ۇيىمداستىرادى، ۇيىمدار مەن كاسىپورىنداردى جوعارى ساپالى پوزيتسيالار مەن جۇمىسقا ورنالاسۋ بويىنشا نۇسقاۋلىقپەن قامتاماسىز ەتۋگە شاقىرادى. تۇلەكتەردىڭ كوپشىلىگى وقۋىن اياقتاعانعا دەيىن باراتىن جەرلەرىن قامتاماسىز ەتەدى، جالپى، جۇمىسقا ورنالاسۋ دەڭگەيى 2021 -جىلعى تۇلەكتەر ءۇشىن شامامەن 96 پايىزدى قۇرادى. سوندىقتان ۋنيۆەرسيتەتتىڭ باكالاۆريات ستۋدەنتتەرىنىڭ جۇمىس ىزدەۋىمەن اينالىسۋىنىڭ قاجەتى شامالى. ستاتيستيكاعا سايكەس، سولتۇستىك- باتىس پوليتەحنيكالىق ۋنيۆەرسيتەتىنىڭ 2021 -جىلعى باكالاۆريات تۇلەكتەرىنىڭ 70 پايىزعا جۋىعى قوسىمشا ءبىلىم الۋدى تاڭداعان.
- جالپى، س ب پ ۋ- دان كەيىن قىتاي تۇلەكتەرى قانداي كاسىپورىندا نە ۇيىمدارعا بارىپ جۇمىس ىستەي الادى؟ گرانتتا وقىعاندارعا جۇمىسقا ورنالاسۋ بويىنشا بەلگىلى ءبىر تالاپ بار ما؟ ال قاز ۇ ۋ-داعى س ب پ ۋ فيليالىنىڭ ديپلومىن العان تۇلەكتىڭ قانداي پەرسپەكتيۆاسى بار؟
- س ب پ ۋ-دى بىتىرگەننەن كەيىن باكالاۆريات ستۋدەنتتەرىنىڭ كوپشىلىگى قوسىمشا ءبىلىم الۋدى تاڭدايدى. ماگيستراتۋرا مەن دوكتورانتۋرا تۇلەكتەرىنىڭ جۇمىسقا ورنالاسۋ دەڭگەيى، سايكەسىنشە، شامامەن 86-96 پايىزدى قۇرايدى. 2021 -جىلعى تۇلەكتەردىڭ شامامەن 61 پايىزى Fortune Global 500 كومپانيالارىندا، مەملەكەتتىك كاسىپورىنداردا نەمەسە اۆياتسيا جانە اەروعارىش ونەركاسىبى سياقتى سالالارمەن تىعىز بايلانىسى بار ورتالىق كاسىپورىنداردا جۇمىسقا ورنالاستى.
شاكىرتاقى الاتىن ستۋدەنتتەردە وقۋدى بىتىرگەننەن كەيىن ناقتى جۇمىسقا قويىلاتىن تالاپتار جوق. ولار وزدەرىنە ۇنايتىن جۇمىستى تاڭداۋ جانە ودان ءارى ءبىلىم الۋدى جالعاستىرۋ تۋرالى شەشىم قابىلداۋ ەركىندىگىنە يە.
- سىزدەردىڭ فيليالدارىڭىزعا گرانتقا وقۋعا ءتۇسۋ ءۇشىن قانداي ەمتيحان تاپسىرىلادى جانە بولاشاق ستۋدەنتتەر ءۇشىن قانداي تالاپ قويىلادى؟ بولاشاقتا س ب پ ۋ- دىڭ قاز ۇ ۋ-داعى فيليالىنىڭ قانداي ماقساتتارى مەن جوسپارلارى بار؟
- س ب پ ۋ-عا ءتۇسۋ ءۇشىن جانە شاكىرتاقىعا ءوتىنىش بەرۋ ءۇشىن ستۋدەنتپەن سۇحبات جۇرگىزىلەدى. ستۋدەنتتەردىڭ وقۋ ۇلگەرىمى، سۇحباتى، زەرتتەۋ جەتىستىكتەرى جانە باسقا دا فاكتورلار شاكىرتاقى الۋ ماقساتىندا باعالانادى. الداعى جىلدارى فيليال كامپۋسى ستۋدەنتتەردىڭ وقىتۋ ۇدەرىسىن جاقسارتۋدى، وقۋ باعدارلامالارىن وڭتايلاندىرۋدى، وقۋعا قابىلداۋدى كەڭەيتۋدى جانە قازاقستاننىڭ عىلىم سالاسىنداعى دارىندارىن تاربيەلەۋدى جالعاستىرادى. ءبىز قىتاي مەن قازاقستان اراسىنداعى ءبىلىم بەرۋ بايلانىسىن اتقاراتىن ورتالىق ازياداعى ىقپالدى شەتەلدەگى فيليال كامپۋسىنا اينالۋدى ماقسات ەتەمىز.
بۇل قازاقستاندا ماتەريالتانۋ، ەلەكترونيكا جانە كومپيۋتەرلىك عىلىمدار سياقتى وزىق پاندەردىڭ دامۋىنا ىقپال ەتەدى. فيليال كامپۋسى ءوزىن ورتالىق ازياداعى جەتەكشى عىلىمي جانە ءپانارالىق نەگىزگى بازا رەتىندە كورسەتۋگە ۇمتىلادى. بولاشاقتا فيليال كامپۋسى بىرلەسكەن دوكتورانتۋرا باعدارلامالارىن قۇرۋعا باسىمدىق بەرەدى، ەكى ەلدىڭ دوكتورانتۋراسىن دايىنداۋ ۇدەرىستەرىنىڭ ۇتىمدى جولدارىن ىزدەيدى جانە كەشەندى وقۋ باعدارلامالارىن قالىپتاستىرۋ ءۇشىن فيليال كامپۋسىنىڭ دوكتورانتتارىن دايارلاۋ پروتسەسىن ناقتىلايدى. دوكتورانتۋرانى دايىنداۋ ۇدەرىسىن جەتىلدىرگەننەن كەيىن فيليال كامپۋسى باكالاۆرياتتىڭ بىرلەسكەن وقۋ باعدارلامالارىنىڭ جولدارىن زەرتتەيتىن بولادى.
- اڭگىمەڭىزگە راقمەت!
سۇحباتتاسقان: گۇل باياندينا