استانا. قازاقپارات- قىتاي بيلىگى ەۋرو وداق ەلدەرىنەن كەلەتىن ءسۇت ونىمدەرىنە قاتىستى تەرگەۋ باستادى. ويتكەنى جەرگىلىكتى وندىرۋشىلەر تاراپىنان ەۋروپالىق سۋبسيديا باعدارلامالارىنا قاتىستى شاعىم كوبەيگەن.
بۇل - ەۋرو وداقتىڭ شەشىمىنە جاۋاپ رەتىندە جاسالعان قادام. ونداعىلار قىتايدان يمپورتتالاتىن ەلەكتر كولىكتەرىنە قوسىمشا باج سالىعىن ەنگىزگەن. ءوز ايتۋلارىنشا، شىعىستاعى كورشى ەل بيلىگى ءوز كومپانيالارىنا كوپ سۋبسيديا ءبولىپ، جاساندى تۇردە تەمىر تۇلپارلارىنىڭ باعاسىن تۇسىرەدى. سودان كارى قۇرلىقتاعى ەلەكتروموبيل وندىرۋشىلەرى شىعىنعا باتۋى مۇمكىن.
ەندى بەيجىڭنىڭ ءسۇت ونىمدەرىنە قاتىستى تەرگەۋى ءبىر جىلعا جالعاسادى. قاجەت بولسا، تاعى جارتى جىلعا سوزىلۋى مۇمكىن. رەسمي دەرەك بويىنشا بىلتىر قىتايعا ەۋرو وداقتان ەكسپورتتالعان ءسۇت ونىمدەرىنىڭ كولەمى 1,7 ميلليارد ەۋروعا جەتكەن.
24.kz
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.