قىتاي ەلىنىڭ ءىرى كومپانيالارى اباي وبلىسىمەن ىنتىماقتاستىق ورناتۋعا دايىن
وبلىس اكىمى نۇرلان ۇرانحايەۆ باستاعان اباي وبلىسىنىڭ دەلەگاتسياسى ق ح ر شينجاڭ ۇيعىر اۆتونوميالى ولكەسىنىڭ ءىرى ونەركاسىپ ورتالىعى - ءۇرىمجى قالاسىنا باردى.
ساپار بارىسىندا كاسىپكەرلەر، بيزنەس وكىلدەرى مەن باسقارما باسشىلارى وڭىرلەر اراسىنداعى ۇزاقمەرزىمدى ىنتىماقتاستىقتى جانە ينۆەستيتسيالىق جوبالاردى جۇزەگە اسىرۋ ماسەلەلەرىن تالقىلادى، دەپ حابارلايدى قازاقپارات.
«قىتاي - ءبىزدىڭ ايماقتىڭ نەگىزگى ساۋدا- ەكونوميكالىق سەرىكتەسى. بيىل قاڭتار- قازان ايلارىندا اباي وبلىسىنىڭ جالپى تاۋار اينالىمىنىڭ � نەمەسە 266 ميلليون ا ق ش دوللارى قىتاي وڭىرلەرىمەن شەكارالىق ساۋدا ارقىلى قامتاماسىز ەتىلگەن. ماسەلەن، ەكسپورت 178 ميلليون ا ق ش دوللارىن، قىتاي ونىمدەرىنىڭ يمپورتى شامامەن 88 ميلليون ا ق ش دوللاردى قۇرادى»، - دەدى نۇرلان ۇرانحايەۆ.
ساپار اياسىندا وبلىستان ارنايى بارعان دەلەگاتسيا «سان باو» شينجاڭ ساۋدا- ونەركاسىپتىك كورپوراتسياسى» ج ش س-نىڭ باسشىلىعىمەن كەزدەستى. بۇل كورپوراتسيا - قىتاي ەلىنىڭ ەڭ ءىرى ەكسپورتتىق- يمپورتتىق ساۋدا، شەتەلدە قۇرىلىس جوبالارى ارقىلى كەلىسىمشارت جاساۋ، ءوندىرىس پەن وڭدەۋ، قويما جانە لوگيستيكا، تۋريستىك ساۋدا قىزمەتتەرىن ۇسىناتىن ساۋدا كەشەنى.
شينجاڭ جانە قازاقستان ەلىنىڭ كاسىپكەرلەرى اراسىندا ىسكەرلىك كەزدەسۋ ءوتىپ، وندا ق ح ر شينجاڭ- ۇيعىر اۆتونوميالى ولكەسىنىڭ ءىرى كومپانيالارى جانە اباي وبلىسىنان ارنايى كەلگەن كاسىپكەرلەر، بيزنەس وكىلدەرى اراسىندا ىنتىماقتاستىق تۋرالى ءبىرقاتار كەلىسىمگە قول قويىلدى.
بۇدان بولەك، اباي وبلىسىنىڭ اكىمى ق ك پ و ك ساياسي بيۋروسىنىڭ مۇشەسى، ق ح ر شينجاڭ- ۇيعىر اۆتونوميالىق ولكەسى ق ك پ پارتيا كوميتەتىنىڭ حاتشىسى ما شيڭرۋيمەن كەزدەستى. كەزدەسۋ بارىسىندا وڭىرلەر اراسىنداعى ساۋدا- ەكونوميكالىق ىنتىماقتاستىقتىڭ دامۋى جان- جاقتى ساراپتالدى.
باستى نازار ءوڭىرارالىق ىنتىماقتاستىق ماسەلەسىنە اۋدارىلدى. بۇگىندە قازاقستان شينجاڭمەن ونەركاسىپ، كولىك، لوگيستيكا، اۋىل شارۋاشىلىعى جانە تۋريزم سالاسىندا ۇلكەن تابىسقا جەتىپ وتىر. ەكى ايماقتىڭ تۇراقتى دامۋىنا ىقپال ەتەتىن بۇل ىنتىماقتاستىقتى نىعايتۋ مەن كەڭەيتۋدىڭ قوسىمشا مۇمكىندىگىنە باسا نازار اۋدارىلدى.
ءوز كەزەگىندە ق ح ر شينجاڭ ۇيعىر اۆتونوميالىق ولكەسى ق ك پ پارتيا كوميتەتىنىڭ حاتشىسى ما شيڭرۋي قازاقستان مەن قىتاي اراسىنداعى تىعىز ەكونوميكالىق قارىم-قاتىناستىڭ ستراتەگيالىق ماڭىزىنا توقتالدى. ول شينجاڭ ۇيعىر اۆتونوميالى ولكەسى تۋريزمدى دامىتۋعا، «تاچىڭ- سەمەي» تىكەلەي اۋە رەيسىن اشۋعا، سونىمەن قاتار «باقتى» بەكەتىندە جۇك-كولىك اعىنىن ارتتىرىپ قانا قويماي، سونىمەن قاتار تۋريستەردىڭ دە قاتارىنا ارتتىرۋ ءۇشىن بەكەتتى جاڭعىرتۋ جۇمىستارىن جەدەلدەتۋدىڭ ماڭىزىنا توقتالدى.
سونىمەن قاتار ما شيڭرۋي شينجاڭ ۇيعىر اۆتونوميالى ولكەسىنىڭ اباي وبلىسىمەن اۋىل شارۋاشىلىعى، گەولوگيالىق زەرتتەۋ، تاۋ-كەن ءوندىرىسى، ەنەرگەتيكا جانە ءبىلىم بەرۋ سياقتى ستراتەگيالىق ماڭىزدى سالادا ىنتىماقتاستىقتى تەرەڭدەتۋگە دايىن ەكەنىن ايتتى. كورشى ءوڭىر اباي وڭىرىنەن ەت، استىق، جۇگەرى جانە كۇنباعىس مايىن الۋعا نيەت ءبىلدىردى. سونداي-اق جەل ەلەكتر ستانسياسىن سالۋ جانە ستۋدەنتتەرمەن الماسۋ مۇمكىندىكتەرىن تالقىلاۋعا دايىن. وسى ورايدا جاقىن ارادا اباي وبلىسىنا ارنايى ق ح ر شينجاڭ ۇيعىر اۆتونوميالى ولكەسىنەن ارنايى دەلەگاتسيا جىبەرۋ جوسپارلانعان.
اۆتور
ەلميرا ورالبايەۆا