قىتاي 74 مەملەكەت ازاماتتارىنا ەلگە ۆيزاسىز كىرۋگە رۇقسات بەردى

استانا. KAZINFORM - تۋريستەردى تارتۋ جانە الەمدىك ارەناداعى ەل يميدجىن كوتەرۋ ءۇشىن قىتاي ءوز ەلىنە 74 ەلدىڭ ازاماتتارىنىڭ 30 كۇنگە ۆيزاسىز كىرۋىنە رۇقسات بەردى، دەپ حابارلايدى انادولى.

بۇل تۋرالى ق ح ر ۇلتتىق كوشى-قون قىزمەتى حابارلادى.

اۋەلدە ۆيزاسىز رەجيم 2023-جىلدىڭ جەلتوقسانىندا فرانسيا، گەرمانيا، يتاليا، نيدەرلاند، يسپانيا جانە مالايزيا تۇرعىندارى ءۇشىن ەنگىزىلگەن بولاتىن. كەيىن بۇل ءتىزىم كەڭەيتىلىپ، وعان ەۋروپانىڭ بارلىق ەلدەرى، سونداي-اق ازيا، تاياۋ شىعىس جانە لاتىن امەريكاسىنىڭ كەيبىر مەملەكەتتەرى قوسىلدى.

16-شىلدەدە تىزىمگە ازەربايجان دا كىرەدى.

قىتاي بيلىگىنىڭ مالىمەتىنشە، 2024-جىلى ەلگە ۆيزاسىز رەجيم ارقىلى كەلگەن شەتەلدىكتەردىڭ سانى 20 ميلليوننان استى. بۇل 2023-جىلمەن سالىستىرعاندا شامامەن ەكى ەسە كوپ.

ا ق ش، كانادا، ۇلى بريتانيا، شۆەتسيا، رەسەي سياقتى وزگە دە ءبىرقاتار ەلدەردىڭ ازاماتتارى قىتاي ارقىلى وزگە مەملەكەتكە بارا جاتقاندا عانا 10 كۇنگە دەيىنگى ۆيزاسىز رەجيمدى قولدانا الادى.

قىتاي تۋريزم اكادەمياسىنىڭ ساراپشىسى ليۋ سيانياننىڭ پىكىرىنشە، ۆيزاسىز ساياسات تەك ەكونوميكانىڭ دامۋىنا عانا ەمەس، مەملەكەتتىڭ شەتەلدەگى بەدەلىن كوتەرۋگە دە ىقپال ەتەدى.

وسىعان دەيىن قازاقستانعا 87 ەلدىڭ ازاماتى ۆيزاسىز كەلە الاتىنى تۋرالى جازدىق.