استانا. KAZINFORM - جامبىل وبلىسىندا قوقىس جاشىگىنەن جاڭا تۋعان نارەستە تابىلعان وقيعاعا قاتىستى ايەل انىقتالىپ، پوليتسياعا جەتكىزىلدى. ول كىناسىن مويىندادى. بۇل تۋرالى جامبىل وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.
جاڭا تۋعان نارەستە قورداي اۋدانىنداعى گۆارديا گارنيزونى اۋماعىنداعى قوقىس جاشىگىنەن تابىلعان. قازىرگى ۋاقىتتا ءسابي مەديتسينالىق مەكەمەدە. ونىڭ جاعدايى تۇراقتى، ومىرىنە قاۋىپ ءتونىپ تۇرعان جوق.
پوليتسيا جاڭا تۋعان نارەستەنى تاستاپ كەتۋ فاكتىسى بويىنشا قىلمىستىق ءىس قوزعادى.
- سوتقا دەيىنگى تەرگەۋ ناتيجەلەرى بويىنشا ءتيىستى پروتسەسسۋالدىق شەشىم قابىلدانادى. ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس، وزگە اقپارات جاريالانبايدى، - دەپ حابارلادى ۆەدومستۆو.
ايتا كەتەيىك، بۇعان دەيىن جامبىل وبلىسىنداعى قوقىس جاشىگىنەن جاڭا تۋعان نارەستە تابىلعانى حابارلانعان بولاتىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан