اقوردانىڭ باسپا ءسوز قىزمەتىنىڭ حابارلاۋىنشا، پرەزيدەنت قاسىم-جومارت توقايەۆقا «قازاتومونەركاسىپ» ۇ ا ك» ا ق باسقارما ءتوراعاسى مەيىرجان يۋسۋپوۆ كومپانيانىڭ قازىرگى قىزمەتى جانە ستراتەگيالىق مىندەتتەردىڭ جۇزەگە اسىرىلۋى جونىندە باياندادى.
مەملەكەت باسشىسىنا ۋراننىڭ مەملەكەتتىك ستراتەگيالىق قورىن قۇرۋ ءىس- شارالارى جونىندە مالىمەت بەرىلدى.
- بۇگىندە كومپانيا جالپى اۋدانى 1 مىڭ شارشى شاقىرىمنان اساتىن التى ۋچاسكەدە گەولوگيالىق بارلاۋ جۇمىستارىن جۇرگىزىپ جاتىر. سونداي-اق اۋدانى 124 شارشى شاقىرىم بولاتىن پەرسپەكتيۆتى قىزىلتۋ ۋچاسكەسىن بارلاۋدى جوسپارلاپ وتىر. «قازاتومونەركاسىپ» اتوم سالاسىنداعى جەتەكشى الەمدىك كومپانيالارمەن ىنتىماقتاستىقتى دامىتىپ، وتكىزۋ نارىقتارىن ءارتاراپتاندىرۋ ارقىلى حالىقارالىق دەڭگەيدەگى پوزيتسياسىن نىعايتىپ كەلەدى. بيىل ءۇندىستان مەن قىتايدىڭ ءىرى ەنەرگەتيكالىق كومپانيالارىمەن تابيعي ۋران جەتكىزۋ جونىندە جاڭا كەلىسىمشارتتار جاسالدى، - دەلىنگەن حابارلامادا.
بيىل ءۇندىستان مەن قىتايدىڭ ءىرى ەنەرگەتيكالىق كومپانيالارىمەن تابيعي ۋران جەتكىزۋ جونىندە جاڭا كەلىسىمشارتتار جاسالدى.
قاسىم- جومارت توقايەۆقا «قازاتومونەركاسىپتىڭ» يادرولىق وتىن تسيكلى سالاسىنداعى قىزمەتى جانە 2025-2034 -جىلدارعا ارنالعان دامۋ ستراتەگياسىنا ساي الداعى جۇمىس جوسپارلارى تۋرالى اقپارات ۇسىنىلدى.
سونىمەن قاتار مەيىرجان يۋسۋپوۆ «قازاتومونەركاسىپتىڭ» عىلىمي-تەحنولوگيالىق الەۋەتىن دامىتۋ تۋرالى ايتتى.
كومپانيا ۋران ءوندىرىسىنىڭ تيىمدىلىگىن ارتتىرۋ جانە سيرەك ءارى سيرەك كەزدەسەتىن ىلەسپە مەتالداردى الۋ تەحنولوگياسىن جەتىلدىرۋ ماقساتىندا عىلىمي زەرتتەۋلەر جۇرگىزىپ جاتىر.
بۇدان بولەك، كومپانيا بيىل مەملەكەت باسشىسىنىڭ تاپسىرماسى بويىنشا جۇزەگە اسىرىلىپ جاتقان الەۋمەتتىك جانە ينفراقۇرىلىمدىق نىساندار سالۋدىڭ اۋقىمدى باعدارلاماسى اياسىندا دەنساۋلىق ساقتاۋ، ءبىلىم بەرۋ جانە سپورت سالالارىنداعى جوبالارعا 13 ميلليارد تەڭگەدەن استام قارجى ءبولدى.
كەزدەسۋ سوڭىندا مەملەكەت باسشىسى رەسۋرستىق بازانى ودان ءارى دامىتۋ، حالىقارالىق ىنتىماقتاستىقتى كەڭەيتۋ جانە الەۋمەتتىك باستامالاردى ىسكە اسىرۋ جونىندە ءبىرقاتار تاپسىرما بەردى.
ەسكە سالايىق، مۇنىڭ الدىندا پرەزيدەنت قاسىم-جومارت توقايەۆ «QazaqGaz» ۇ ك» ا ق باسقارما ءتوراعاسى الىبەك جاماۋوۆتى قابىلداعانىن حابارلاعانبىز.