قازاقستاندىق تورەشىلەر چەمپيوندار ليگاسىندا قىزمەت اتقارادى

استانا. KAZINFORM - قازاقستاندىق تورەشىلەر UEFA چەمپيوندار ليگاسىنىڭ العاشقى ىرىكتەۋ كەزەڭىندە قىزمەت اتقارادى.

قازاقستاندىق سايات قارابايەۆ «شكەنديا» (ماكەدونيا) مەن TNS (ۋەلس) اراسىنداعى ويىندا باس تورەشى بولادى. وعان يۋريي تيحونيۋك پەن دميتري بەلوگرادوۆ كومەكتەسەدى. ءتورتىنشى تورەشى قىزمەتىن ارمان يسمۋراتوۆ اتقارادى.

ماتچ 15- شىلدە كۇنى سكوپەدە قازاقستان ۋاقىتىمەن 23:00 دە باستالادى.

بيىل ەلىمىزدىڭ اتىنان ءتورت كوماندا ەۋولكۋبوك ويىندارىندا ەل نامىسىن قورعايدى.

UEFA چەمپيوندار ليگاسىندا الماتىلىق «قايرات» باق سىناسا، ەۋروپا ليگاسىندا «اقتوبە»، كونفەرەنتسيا ليگاسىندا «استانا» مەن «ورداباسى» جاسىل الاڭعا شىعادى.