قازاقستاندىق ءۇش تەننيسشى شاڭحاي ماستەرس تۋرنيرىنە جولداما الدى

قازاقستاندىق تەننيسشىلەردىڭ ۇشەۋى دە ىرىكتەۋ سايىستارىنىڭ فينالدىق كەزدەسۋلەرىن ءساتتى وتكىزدى.

دۇنيەجۇزىلىك رەيتينگتە 302-ورىندا تۇرعان 22 جاستاعى بەيبىت جۇقايەۆ الەمنىڭ 293-راكەتكاسى، چەحيالىق دومينيك پالاندى 2 ساعات 1 مينۋتقا سوزىلعان تارتىستى باسەكەدە 7:6 (8:6)، 3:6، 6:3 ەسەبىمەن ۇتتى.

سونداي-اق رەيتينگتە 258-ساتىداعى دەنيس ەۆسەيەۆ الەمنىڭ 188-راكەتكاسى، تايبەيلىك ۆۋ تۋن-ليدەن ايلاسىن اسىردى - 6:4، 4:6، 6:3. بۇل جەكپە-جەك 2 ساعات 11 مينۋتقا سوزىلدى.

الەمنىڭ 246-راكەتكاسى ميحايل كۋكۋشكين 300-ورىندا تۇرعان اۋستراليالىق ليۋك سەۆيلدى 6:3، 6:3 ەسەبىمەن جولدان تايدىردى.

قازاقستاندىق تەننيسشىلەردىڭ شاڭحاي ماستەرس دوداسىنداعى العاشقى قارسىلاستارى كەيىن انىقتالادى.

ەسكە سالا كەتەيىك، بۇدان بۇرىن ەلەنا رىباكينانىڭ بەيجىڭدە ازيادا چەمپيونىن ويسىراتا ۇتقانىن جازعان بولاتىنبىز.

سونداي-اق قازاقستاندىق تەننيسشىلەر شاڭحاي ماستەرس تۋرنيرىنىڭ ىرىكتەۋ سايىسىن ءساتتى باستادى.

Astana Open ATP 250 تۋرنيرىنىڭ فينالىنا شىققان تەننيسشىلەر بەلگىلى بولدى.

يۋليا پۋتينتسيەۆا بەيجىڭدە الەمنىڭ 10-راكەتكاسىنا جول بەردى.