قازاقستاندا جارتى جىلدا جول اپاتىنان مىڭعا تارتا ادام كوز جۇمدى - باس پروكۋراتۋرا

استانا. قازاقپارات - 2025-جىلدىڭ العاشقى جارتىجىلدىعىندا ەلىمىزدە 15698 جول-كولىك وقيعاسى (ج ك و) تىركەلدى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 54 پايىزعا ارتىق، دەپ حابارلايدى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى.

- جول اپاتتارىنىڭ سالدارىنان 22346 ادام زارداپ شەككەن، ونىڭ ىشىندە 955 ادام قازا تاپقان، - دەپ جازدى باقىلاۋشى ورگاننان.

ج ك و- لاردىڭ باسىم بولىگى رەسپۋبليكالىق ماڭىزى بار تاس جولداردا ورىن العان - 1401 جاعداي. بۇل وقيعالاردا 3146 ادام جاراقات الىپ، 2791 ادام ءتۇرلى دەڭگەيدە زاقىمدانعان، 355 ادام كوز جۇمعان.

ەڭ كوپ جول-كولىك وقيعاسى الماتى (404)، اقمولا (126) جانە جامبىل (121) وبلىستارىندا تىركەلدى.

ج ك و- عا كىنالى دەپ تانىلعاندار:

جەڭىل اۆتوكولىك جۇرگىزۋشىلەرى - 12046

اۆتوبۋس جۇرگىزۋشىلەرى - 520

موپەد جۇرگىزۋشىلەرى - 438

جۇك كولىگى جۇرگىزۋشىلەرى - 390

جاياۋ جۇرگىنشىلەر - 428

ۆەلوسيپەدشىلەر - 114

شاعىن ەلەكتر كولىكتەرىن باسقارۋشىلار - 58

ەلەكتر ساموكات جۇرگىزۋشىلەرى - 48

اپاتتان زارداپ شەككەن بالالاردىڭ سانى دا كۇرت ارتتى: جاراقات العاندار t,3 عا ءوسىپ، 3185-تەن 5552 بالاعا جەتتى. قازا تاپقان بالالار سانى %7,1 عا ءوسىپ، 126 دان 135 كە دەيىن كوبەيدى.

قايتىس بولعانداردىڭ كوبى تۇركىستان (27)، الماتى (17)، جامبىل (9) جانە جەتىسۋ (9) وبلىستارىندا تىركەلدى.

باس پروكۋراتۋرا ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرادى.

ايتا كەتەيىك، بۇگىن اتىراۋ وبلىسىندا جول اپاتىنان 2 جۇرگىزۋشى مەن 2 جولاۋشى كوز جۇمدى.