قازاقستاندا اۋا رايى كۇرت قۇبىلادى: كەي وڭىردە بۇرشاق، كەي وڭىردە 42 گرادۋسقا دەيىن اپتاپ ىستىق

استانا. KAZINFORM - «قازگيدرومەت» ر م ك 2025 -جىلعى 15-شىلدەگە ارنالعان قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارىنىڭ بولجامىن تاراتتى.

ەلدىڭ باتىسىندا، سولتۇستىك- باتىسىندا، سولتۇستىگىندە، شىعىسىندا جانە وڭتۇستىك- شىعىستىڭ تاۋلى ايماقتارىندا اتموسفەرالىق فرونتتاردىڭ وتۋىنە بايلانىستى اۋا رايى تۇراقسىز بولىپ قالا بەرەدى - نايزاعايلى جاڭبىر كۇتىلەدى. سولتۇستىك-باتىس پەن سولتۇستىكتە بۇرشاق جاۋۋى ىقتيمال، ال باتىستا داۋىلدى جەل سوعۋى مۇمكىن.

ەلدىڭ قالعان اۋماعىندا انتيسيكلون جوتاسىنىڭ ىقپالىمەن جاۋىن-شاشىنسىز اۋا رايى ساقتالادى. قازاقستان بويىنشا جەلدىڭ كۇشەيۋى بولجانۋدا.

اپتاپ ىستىق كۇتىلەتىن وڭىرلەر:
باتىس قازاقستان، اتىراۋ، اقتوبە، الماتى وبلىستارى، سونداي-اق جەتىسۋ مەن اباي وبلىستارىندا - كۇندىز 35- 38 گرادۋسقا دەيىن ىستىق بولادى.

تۇركىستان مەن جامبىل وبلىستارىندا - 39- 40 گرادۋس.

ماڭعىستاۋ وبلىسىندا - 37- 42 گرادۋسقا دەيىن جەتەتىن اپتاپ ىستىق كۇتىلەدى.

ءورت قاۋپى جوعارى:
جوعارى ءورت قاۋپى:

باتىس قازاقستان، ۇلىتاۋ وبلىسى، اتىراۋ وبلىسىنىڭ سولتۇستىگى مەن شىعىسى، الماتى وبلىسىنىڭ شىعىسى، قوستاناي وبلىسىنىڭ وڭتۇستىك- شىعىسى، شىعىس قازاقستان، اقتوبە وبلىسىنىڭ سولتۇستىگى، باتىسى مەن شىعىسى، قاراعاندى وبلىسىنىڭ سولتۇستىگى مەن شىعىسى، اقمولا وبلىسىنىڭ باتىسى مەن وڭتۇستىگى، اباي وبلىسىنىڭ سولتۇستىك- باتىسى، باتىسى جانە ورتالىعى، جەتىسۋ وبلىسىنىڭ وڭتۇستىگى، پاۆلودار وبلىسىنىڭ وڭتۇستىگى.

اسا جوعارى (توتەنشە) ءورت قاۋپى:

ماڭعىستاۋ، قىزىلوردا، تۇركىستان، الماتى وبلىستارى، جەتىسۋ وبلىسىنىڭ وڭتۇستىك- شىعىسى، جامبىل وبلىسىنىڭ باتىسى، وڭتۇستىگى جانە شىعىسى، قاراعاندى وبلىسىنىڭ باتىسى مەن وڭتۇستىگى، اقتوبە وبلىسىنىڭ ورتالىعى مەن وڭتۇستىگى، قوستاناي وبلىسىنىڭ وڭتۇستىك- باتىسى، اتىراۋ وبلىسىنىڭ وڭتۇستىگى، اباي وبلىسى، ۇلىتاۋ وبلىسىنىڭ ورتالىعى مەن وڭتۇستىگى.