قازاقستان مەن وزبەكستان اراسىندا تىكەلەي اۋە رەيسى ىسكە قوسىلدى

استانا. قازاقپارات - 3-شىلدەدە وزبەكستاننىڭ Centrum Air اۋە كومپانياسى نۇكىس - اقتاۋ - نۇكىس باعىتى بويىنشا جاڭا تۇراقتى رەيستى جۇزەگە اسىرا باستادى، دەپ حابارلايدى «دۋنيە» اگەنتتىگى.

وسىلايشا، قازاقستان مەن وزبەكستان اراسىنداعى كولىك بايلانىسى ودان ءارى كەڭەيىپ وتىر.

جاڭا رەيستىڭ اشىلۋىنا وراي اقتاۋ حالىقارالىق اۋەجايىندا سالتاناتتى شارا ۇيىمداستىرىلدى. ءىس-شارانى وزبەكستاننىڭ اقتاۋداعى باس كونسۋلدىعى مەن قازاقستاننىڭ ماڭعىستاۋ وبلىسى اكىمدىگى بىرلەسىپ وتكىزدى.

اپتاسىنا ەكى رەت ورىندالاتىن تۇراقتى رەيستەر وزبەكستانعا تۋريستەر اعىنىن ارتتىرىپ، ءوزارا ساپارلاردىڭ كوبەيۋىنە جانە ساۋدا- ەكونوميكالىق بايلانىستاردىڭ نىعايۋىنا ىقپال ەتەدى.

ايتا كەتەيىك، 600 مىڭنان اسا قازاقستاندىق دەمالىسىن وزبەكستاندا وتكىزدى.