قازاقستان مەن قىتاي ىلە ويپاتىنداعى ۋران كەنىشىن بىرلەسىپ بارلاماقشى
استانا. KAZINFORM - استاناداعى «ورتالىق ازيا - قىتاي» يندۋستريالىق- ينۆەستيتسيالىق ىنتىماقتاستىق فورۋمىندا ترانسشەكارالىق ۋران كەنىشىن بىرلەسىپ بارلاۋعا مۇمكىندىك اشاتىن كەلىسىمگە قول قويىلدى.
- ق. ي. ساتبايەۆ اتىنداعى گەولوگيالىق عىلىمدار ينستيتۋتى مەن قىتاي گەولوگيا ۋنيۆەرسيتەتى، CNNC گەوبارلاۋ كورپوراتسياسى جانە Xiamen Wanli Stone Co.، Ltd كومپانياسى ترانسشەكارالىق كەن بەلدەۋلەرىن سالىستىرمالى تۇردە بىرلەسىپ زەرتتەۋگە باعىتتالعان نەگىزدەمەلىك كەلىسىمگە قول قويدى. باستاما اياسىندا تاراپتار ۋران كەنى بار «تومەنگى ىلە ويپاتى - ىلە ءوڭىرى» بەلدەۋىن يادرولىق ەنەرگەتيكا سالاسىنداعى ورتا جانە ۇزاق مەرزىمدى ىنتىماقتاستىق جوسپارىنا ەنگىزۋگە كۇش سالادى، - دەپ جازىلعان «Kazakh Invest» كومپانياسىنىڭ مالىمەتىندە.
ەسكە سالساق، بۇعان دەيىن قازاقستان ەكىنشى ا ە س سالاتىن كونسورتسيۋمنىڭ تىزگىنىن قىتايعا بەرۋگە نيەتتى ەكەنىن ءمالىم بولعان ەدى.