كەزدەسۋ بارىسىندا قازاقستاندىق جاحانگير راشيت، دۋگلاس جۋنيور، اقجول ءدارىباي، شىڭعىس ەسەنامانوۆ گول سوقسا، وعان يراندىق فۋتزالشىلار ءبىر گولمەن جاۋاپ قايىردى.
وسىلايشا قازاقستان قۇراماسى قارسىلاسىن 4:1 ەسەبىمەن تىزە بۇكتىردى.
ەندى ەل قۇراماسى اتالعان قارسىلاسىمەن 1-قىركۇيەكتە تاعى ءبىر مارتە جولداستىق كەزدەسۋ وتكىزەدى.
جيىننىڭ قورىتىندى كەزەڭى الماتىدا 6-10 -قىركۇيەك ارالىعىندا بولادى. 7 -قىركۇيەك كۇنى قازاقستان قۇراماسى ارگەنتينامەن شەبەرلىك بايقاسادى.
ايتا كەتسەك، بيىل الەم چەمپيوناتى 14-قىركۇيەك پەن 6-قازان ارالىعىندا وزبەكستاندا وتەدى.
قازاقستان قۇراماسى يسپانيا، ليۆيا جانە جاڭا زەلانديا قۇرامالارىمەن كەزدەسەدى.
ەسكە سالساق، بۇدان بۇرىن قازاقستاندىق فۋتزالشىلار تاجىكستان قۇراماسىمەن ەكى مارتە جولداستىق كەزدەسۋدە 4:3, 3:0 ەسەبىمەن جەڭىسكە جەتتى.
اۆتور
ءادىلجان ۇمبەت