قازاقستان العاشقى ەكى اتوم ەنەرگەتيكاسىن نەگە رەسەي مەن قىتاي كومپانيالارىنا تاپسىردى - اگەنتتىك جاۋابى

استانا. KAZINFORM - اتوم ەنەرگەتيكاسى جونىندەگى اگەنتتىك Kazinform ساۋالىنا جولداعان جاۋاپتا قازاقستان العاشقى ەكى ا ە س- ءتى نەگە رەسەي مەن قىتاي كومپانياسىنا تاپسىرىپ وتىرعانىن ءتۇسىندىردى.

- تەحنيكالىق سيپاتتامالارىنا كەلسەك، بارلىق رەاكتوردىڭ جوبالىق قىزمەت ەتۋ مەرزىمى - 60  جىل. الايدا كورەيالىق APR1000 جانە فرانتسۋزدىق EPR1200 رەاكتورلارىنىڭ ناقتى پايدالانىلۋ تاجىريبەسى جوق. بۇل تۇرعىدا رەسەيلىك ۆۆەر-1200، قىتايلىق HPR1000 جانە كورەيالىق APR1400 تەحنولوگيالارىنىڭ ناقتى تاجىريبەسى بار.

رەسەي، قىتاي جانە فرانسيا يادرولىق وتىن تسيكلىنىڭ بارلىق كەزەڭىنە قاتىسادى، ال كورەيا بۇل سالاعا تولىققاندى قاتىسپايدى. سونىمەن بىرگە، رەسەي مەن قىتاي يادرولىق وتىن تسيكلىنىڭ جەكەلەگەن ەلەمەنتتەرىن قازاقستاندا شوعىرلاندىرۋ مۇمكىندىگىن قاراستىرۋعا دايىن، - دەپ جازادى اگەنتتىك ساراپشىلارى.

اگەنتتىك رەسەي مەن قىتاي ءوز اۋماعىنان بولەك باسقا مەملەكەتتەردە دە 20 دان استام رەاكتور سالىپ جاتقانىن العا تارتىپ وتىر.

- ال فرانسيا مەن كورەيا قازىر تەك ەكى رەاكتوردان سالىپ جاتىر: كورەيادا - APR1400، چەحيادا - APR1000, ۇلى بريتانيادا - EPR1600 تەحنولوگياسى بويىنشا.

بۇدان بولەك، رەسەي مەن قىتايدا حالىقارالىق كونسورسيۋمدار جۇمىسىنا كەڭ كولەمدە قاتىسۋ تاجىريبەسى بار. ولار ءتۇرلى وندىرۋشىلەردىڭ جابدىقتارىن ءبىر جوبا اياسىندا ءتيىمدى تۇردە بىرىكتىرە الادى.

جالپى، قازىر تەك رەسەي مەن قىتاي عانا قارجىلاندىرۋدان باستاپ، يادرولىق-وتىن تسيكلىن قايتا ءبولۋدى وقشاۋلاۋعا، كادرلاردى دايارلاۋعا، پايدالانىلعان يادرولىق وتىندى جوبالاۋعا، سالۋعا جانە وڭدەۋگە دەيىنگى قىزمەتتەردىڭ تولىق كەشەنىن دەربەس ۇسىنا الادى، - دەلىنگەن اگەنتتىك جاۋابىندا.

ەسكە سالساق، بۇعان دەيىن قازاقستان ەكىنشى ا ە س سالاتىن كونسورتسيۋمنىڭ تىزگىنىن قىتايعا بەرۋگە نيەتتى ەكەنىن ءمالىم بولعان ەدى.