كەزدەسۋدە جاساندى ينتەللەكت، سيفرلىق تەحنولوگيالار جانە ەسەپتەۋ ينفراقۇرىلىمى سالالارىنداعى ىنتىماقتاستىقتى دامىتۋ پەرسپەكتيۆاسى تالقىلاندى.
قاسىم-جومارت توقايەۆ جاساندى ينتەللەكتىنىڭ جاھاندىق ەكوجۇيەسىن قالىپتاستىرۋدا NVIDIA كومپانياسىنىڭ ءرولى ايرىقشا ەكەنىن ايتتى. سونىمەن قاتار جاساندى ينتەللەكتىنى قازاقستان ەكونوميكاسىنىڭ باسىم سالالارىندا قولدانۋ اياسىن كەڭەيتۋدىڭ ماڭىزىن اتاپ ءوتتى.
مەملەكەت باسشىسى مەن NVIDIA كومپانياسىنىڭ ۆيتسە-پرەزيدەنتى ءوزارا ءتيىمدى ىنتىماقتاستىقتىڭ بەرىك نەگىزى قالىپتاسقانىنا نازار اۋداردى. اتاپ ايتقاندا، قازاقستاندا NVIDIA تەحنولوگياسىنىڭ بازاسىندا ەكى سۋپەركومپيۋتەر كلاستەرى ىسكە قوسىلدى.
كەزدەسۋدە ەكىباستۇزدا «دەرەكتەردى وڭدەۋ ورتالىقتارىنىڭ القابى» جوباسىن جۇزەگە اسىرۋعا باسا ءمان بەرىلدى. جوبا قۋاتتىلىعى شامامەن 30 م ۆت بولاتىن ەسەپتەۋ ينفراقۇرىلىمىن قالىپتاستىرۋدى كوزدەيدى. كەيىن ونىڭ كولەمىن 1 گ ۆت-قا دەيىن ارتتىرۋ جوسپارلانعان.
پرەزيدەنت وسى باستامانى تابىستى جۇزەگە اسىرۋ ءۇشىن NVIDIA جانە Firebird كومپانيالارىمەن جاسالعان كەلىسىمدەردىڭ ماڭىزىنا توقتالدى.
ريەۆ لەبارەديان قازاقستانداعى جاساندى ينتەللەكت ينفراقۇرىلىمىنىڭ دامۋ بارىسىن جوعارى باعالاپ، NVIDIA كومپانياسىنىڭ «دەرەكتەردى وڭدەۋ ورتالىقتارىنىڭ القابى» جوباسىنىڭ كەلەسى كەزەڭىنە قاتىسۋعا نيەتتى ەكەنىن جەتكىزدى.
بۇدان بولەك، قازاقستاننىڭ كادرلىق الەۋەتىن جانە تەحنولوگيالىق ەكوجۇيەسىن دامىتۋ ماسەلەلەرى قاراستىرىلدى.