ونىڭ ايتۋىنشا، قازاقستان تاجىكستاننىڭ الدىڭعى قاتارلى ساۋدا جانە ەكونوميكالىق سەرىكتەستەرىنىڭ ساناتىنا كىرەدى.
— بيىل 9 ايدىڭ قورىتىندىسى بويىنشا ەلدەرىمىز اراسىنداعى تاۋار اينالىمىنىڭ كولەمى 1 ميلليارد دوللاردان استى. بۇل وتكەن جىلدىڭ وسى كەزەڭىمەن سالىستىرعاندا شامامەن 26 پايىزعا جوعارى. ينۆەستيتسيالىق ىقپالداستىق دايەكتى تۇردە دامىپ كەلەدى. بۇگىندە تاجىكستاندا قازاقستان كاپيتالىنىڭ قاتىسۋىمەن 130-دان اسا كاسىپورىن تىركەلگەن. ال قازاقستاندا تاجىك تاراپىنىڭ 580-نەن استام كاسىپورنى جۇمىس ىستەيدى. ولاردىڭ 500- ءى تولىعىمەن تاجىك كاپيتالىنىڭ قاتىسۋى ارقىلى ەڭبەك ەتەدى. بۇل — وتە جاقسى كورسەتكىش. مادەني- گۋمانيتارلىق بايلانىستارىمىزدا دا وڭ ديناميكا ساقتالىپ وتىر. مادەني، ءبىلىم بەرۋ جانە اكادەميالىق ءىس-شارالار تۇراقتى تۇردە وتكىزىلەدى. ءبىزدىڭ قازىرگى مىندەتىمىز — ستراتەگيالىق سەرىكتەستىك پەن وداقتاستىق قارىم-قاتىناستى تىڭ ناتيجەلەرگە ۇلاستىرۋ. جوعارى دەڭگەيدەگى ۋاعدالاستىقتاردىڭ تىڭعىلىقتى ىسكە اسىرىلۋىنا قولداۋ كورسەتۋىمىز قاجەت. بۇگىنگى كەلىسسوزىمىز بارلىق باعىتتاعى ىقپالداستىقتى ودان ءارى دامىتۋدىڭ ناقتى قادامدارىن ايقىندايدى، — دەدى ەمومالي راحمون.
كەلىسسوز بارىسىندا ساۋدا-ەكونوميكالىق بايلانىستاردى ودان ءارى كەڭەيتۋ، كولىك-لوگيستيكا، ەنەرگەتيكا، اۋىل شارۋاشىلىعى، سۋ رەسۋرستارى، ونەركاسىپ جانە تسيفرلاندىرۋ سالالارىنداعى ىقپالداستىق ماسەلەلەرىنە نازار اۋدارىلدى.
ايتا كەتەيىك، 5-7 -قاراشا كۇندەرى مەملەكەت باسشىسىنىڭ شاقىرۋىمەن ەلىمىزگە تاجىكستان پرەزيدەنتى ەمومالي راحموننىڭ رەسمي ساپارى ءوتىپ جاتىر.
بۇعان دەيىن قاسىم-جومارت توقايەۆ بارلىق باعىتتا وڭ ديناميكا كورسەتىپ كەلە جاتقان قازاق- تاجىك قارىم- قاتىناسىنىڭ دامۋ دەڭگەيىن جوعارى باعالاعان ەدى.