كامبودجا پرەمەر-ءمينيسترى قازاقستانعا شاقىرعانى ءۇشىن قاسىم-جومارت توقايەۆقا العىس ايتىپ، ەكى ەل اراسىنداعى ديپلوماتيالىق بايلانىستار ورناعانىنا 30 جىلدان اسقانىن اتاپ ءوتتى.
- بۇگىن ەنەرگەتيكا سەكتورىنداعى ىقپالداستىقتى تەرەڭدەتۋ مۇمكىندىگى تۋىپ وتىر دەپ ويلايمىن. ۆەدومستۆولارىمىزعا ءوزارا مۇددەلى باعىتتاردى انىقتاۋدى تاپسىرا الامىز. قازاقستان ەلەكتروندى ۇكىمەت بويىنشا ايتارلىقتاي تابىسقا قول جەتكىزدى ءارى وزىق ازىرلەمەلەرگە يە. ءبىزدىڭ مينيسترلىكتەرىمىز وسى سالادا تاجىريبە الماسۋعا قىزىعۋشىلىق تانىتىپ وتىر، - دەدى حۋن مانەت.
كەزدەسۋ بارىسىندا تاراپتار ساياسي ديالوگتى، ساۋدا-ەكونوميكالىق بايلانىستار مەن كوپجاقتى الاڭدارداعى ىنتىماقتاستىقتى ودان ءارى كەڭەيتۋ جايىن جان-جاقتى تالقىلادى.
ايتا كەتەيىك، 2026 -جىلعى قاڭتار-تامىز ايلارىندا قازاقستان مەن كامبودجا اراسىنداعى تاۋار اينالىمى 29,4 ميلليون دوللار بولدى. بۇل وتكەن جىلعى وسى كەزەڭىمەن سالىستىرعاندا %3,2- عا كوپ.
قازاقستانعا كامبودجادان كوبىنە توقىما جانە تريكوتاج بۇيىمدارى، اياق كيىم مەن كەيبىر تۇتىنۋ تاۋارلارى جەتكىزىلەدى. ال قازاقستان كامبودجاعا نەگىزىنەن باقىلاۋ-ولشەۋ قۇرالدارىن ەكسپورتتايدى.
بۇگىن اقوردادا مەملەكەت باسشىسى قاسىم-جومارت توقايەۆ كامبودجا كورولدىگىنىڭ پرەمەر-ءمينيسترى حۋن مانەتتى قارسى الدى.
پرەزيدەنت قاسىم-جومارت توقايەۆ پەن كامبودجا پرەمەر-ءمينيسترى حۋن مانەت شاعىن قۇرامدا كەلىسسوز جۇرگىزدى.
ەسكە سالا كەتسەك، بيىل شىلدە ايىندا شاڭحايدا وتكەن دۇنيەجۇزىلىك جاساندى ينتەللەكت جونىندەگى كونفەرەنسيا اياسىندا مەملەكەت باسشىسى كامبودجا پرەمەر-ءمينيسترى حۋن مانەتپەن كەزدەسكەن ەدى. حۋن مانەت كامبودجانىڭ قازاقستانمەن قارىم- قاتىناستى نىعايتۋعا مۇددەلى ەكەنىن راستادى.