- حالىقارالىق زەرتتەۋ جانە رەيتينگ اگەنتتىكتەرىنىڭ باعالاۋىنا سايكەس، جۋىقتا قازاقستان الەمنىڭ ەڭ ىقپالدى ەلدەرىنىڭ اراسىندا 34-ورىنعا تۇراقتادى. ماكروەكونوميكالىق كورسەتكىشتەرگە زەر سالساق، ەلىمىز كوپتەگەن سالادا، اتاپ ايتقاندا، الەۋمەتتىك قورعاۋ، يننوۆاتسيالىق ساياسات، سيفرلاندىرۋ، ج ي- ءدى دامىتۋ، سىرتقى ساياسات، عىلىم جانە ءبىلىم، زاڭ ۇستەمدىگى قاعيداتىن ورنىقتىرۋ، قورشاعان ورتانى ايالاۋ، ەكولوگيالىق مادەنيەتتى ىلگەرىلەتۋ، ۆولونتەرلىك قوزعالىستى قولداۋ، ەڭ ماڭىزدىسى، ادامنىڭ قۇقىعى مەن بوستاندىعىن قورعاۋدا ەلەۋلى پروگرەسكە قول جەتكىزدى. بۇل قاعيداتتاردىڭ بارلىعى كونستيتۋتسيادا بەكىتىلگەن. ازاماتتار، پرەزيدەنت رەتىندە مەن دە ونى مۇلتىكسىز ساقتاۋىمىز قاجەت. ءبىزدىڭ ۇرانىمىز - «بىرلىگىمىز - ءارالۋاندىقتا!». اتالعان قاعيداتقا سۇيەنە وتىرىپ، ەلدەگى تۇراقتىلىق پەن بەيبىتشىلىكتى ساقتاۋعا بار كۇشىمىزدى سالامىز. وسىلايشا، بارلىق شەتەلدىك، سونىڭ ىشىندە بەلگيا كومپانيالارىنا قولايلى ءارى اشىق ىسكەرلىك كليمات قالىپتاستىردىق، - دەدى پرەزيدەنت.
بۇعان دەيىن توقايەۆ پەن كورول فيليپپ قازاقستان-بەلگيا ىسكەرلىك كەڭەسىنىڭ ءتورتىنشى وتىرىسىنا قاتىسقانىن جازعان ەدىك.
وتىرىس بارىسىندا پرەزيدەنت قازاقستاننىڭ ەكى پورتىن بەلگيانىڭ ءىرى لوگيستيكالىق ورتالىعىمەن بايلانىستىرۋدى ۇسىندى.