پرەزيدەنت سوناۋ 1989 -جىلى ىرگەسى قالانعان ۇيىمنىڭ ەگەمەن ەل تاريحىنداعى ورنى بولەك ەكەنىن اتاپ ءوتتى.
- كەزىندە كورنەكتى عالىمدار - اكادەميكتەر ءابدۋالي قايدار جانە ءومىرزاق ايتباي ۇلىنىڭ باستاماسىمەن قۇرىلعان «قازاق ءتىلى» قوعامىنىڭ تاريحي جولىن قازىرگى بۋىن وكىلدەرى مەن بەلگىلى ءتىل ماماندارى لايىقتى جالعاستىرىپ كەلە جاتىر. بۇگىندە ۇيىم مۇشەلەرى كوپتەگەن ءتيىمدى ءىس-شارالاردى، جاسامپاز جوبالاردى تابىستى جۇزەگە اسىرۋدا، - دەدى قاسىم-جومارت توقايەۆ.
مەملەكەت باسشىسى «قازاق ءتىلى» قوعامىنىڭ ءار مۇشەسىنە شىنايى ريزاشىلىعىن ءبىلدىردى.
- زاڭعار جازۋشى ءابىش كەكىلبايەۆتىڭ «ءتىل مەرەيى - ەل مەرەيى» دەگەن قىسقا-نۇسقا، ماعىناسى تەرەڭ ءسوزى بار. ءتىل - بارشامىزعا ورتاق قۇندىلىق. ءتىل - اللانىڭ قۇدىرەتىنىڭ ارقاسىندا ادامدارعا بەرىلگەن ۇلكەن سىي ءارى مۇمكىندىك. ءتىل - ادامزاتتىڭ نەگىزگى جەتىستىگى. ادام بالاسىنىڭ ويداعىداي دامۋىنىڭ ەڭ باستى سەبەبى دە - ءتىل. ءبىز وركەنيەتتى ەل رەتىندە انا ءتىلىمىز - قازاق ءتىلىنىڭ ابىروي-بەدەلىن ارتتىرۋ ءۇشىن ءبىر ەل بولىپ تاباندى جۇمىس ىستەۋىمىز كەرەك. بۇگىنگى جيىننىڭ باستى ماقسات- مىندەتى دە - وسى، - دەدى پرەزيدەنت.
ايتا كەتەيىك، مەملەكەت باسشىسى قاسىم-جومارت توقايەۆ حالىقارالىق «قازاق ءتىلى» قوعامىنىڭ 10- قۇرىلتايىندا ءسوز سويلەدى.
كەشە پرەزيدەنت مەملەكەتتىك ءتىلدى ۇيرەتۋدە ج ي الەۋەتىن بارىنشا پايدالانۋ كەرەكتىگىن ايتتى.
اۆتورلار
ايجان سەرىكجان قىزى