استانا. KAZINFORM - مەملەكەت باسشىسى قاسىم- جومارت توقايەۆ II ابداللا بەن ءال- حۋسەين مەن يوردان حالقىن بارشا قازاقستاندىقتىڭ جانە جەكە ءوزىنىڭ اتىنان يوردانيا كورولدىگىنىڭ ۇلتتىق مەرەكەسى - تاۋەلسىزدىك كۇنىمەن قۇتتىقتادى.
- يوردانيا - قازاقستاننىڭ تاياۋ شىعىستاعى جانە اراب ەلدەرى وڭىرىندەگى سەنىمدى سەرىكتەسى. حالىقتارىمىز اراسىنداعى ءداستۇرلى دوستىق پەن جوعارى دەڭگەيدەگى مازمۇندى ساياسي ديالوگقا نەگىزدەلگەن قاتىناستارىمىزدى دامىتۋعا ءسىزدىڭ قوسىپ وتىرعان ۇلەسىڭىز بەن سىڭىرگەن ەڭبەگىڭىزدى جوعارى باعالايمىن. بولاشاقتا دا قازاق- يوردان سەرىكتەستىگىن ارتتىرۋدا بىرلەسە كۇش- جىگەر جۇمىلدىرىپ، ىقپالداستىعىمىزدى جاڭا بەلەستەرگە كوتەرەتىنىمىزگە كامىل سەنەمىن، - دەپ جازىلعان جەدەلحاتتا.
قاسىم-جومارت توقايەۆ يوردان حاشيميت كورولىنىڭ جاۋاپتى قىزمەتىنە تولايىم تابىس، ال دوستاس يوردان حالقىنا قۇت- بەرەكە تىلەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.