قاسىم-جومارت توقايەۆ: جەمقورلارعا لاۋازىمى دا، ءتىپتى ىقپالدى «قامقورشىلارى» دا كومەكتەسپەيدى

استانا. KAZINFORM - جەمقورلارعا ەشقانداي اياۋشىلىق نەمەسە راقىمشىلىق بولمايدى. بۇل تۋرالى III ستراتەگيالىق سەرىكتەستەر فورۋمىندا مەملەكەت باسشىسى قاسىم-جومارت توقايەۆ ايتتى.

Фото: Ақорда

- «قازاقستان سەنىمدى سەرىكتەس رەتىندە كونستيتۋتسياداعى «زاڭ جانە ءتارتىپ» قاعيداتىنىڭ تۇراقتى، بولجامدى ءارى اشىق ورتانىڭ بەرىك نەگىزىنە اينالۋىن قامتاماسىز ەتەدى. «زاڭ جانە ءتارتىپ» - جاي عانا مەملەكەتتىك ساياساتتىڭ ءبىر قاعيداتى ەمەس. ول - مەنىڭ ادىلەتتى قازاقستان قۇرۋ جولىنداعى اسقاق مۇراتىمنىڭ ارقاۋى، وزەگى دەسەم بولادى، - دەدى پرەزيدەنت.

Фото: Акорда

مەملەكەت باسشىسى ەلىمىزدە ءجۇرىپ جاتقان جان-جاقتى ساياسي جانە الەۋمەتتىك-ەكونوميكالىق رەفورمالار ادىلدىك، وتانشىلدىق، تولەرانتتىلىق، ەڭبەكقورلىق، شىعارماشىلىق، زايىرلىلىق جانە پروگرەسس قۇندىلىقتارىمەن استاسىپ، بىتە قايناسىپ جاتقانىن باسا ايتتى.

- كونستيتۋتسيامىزدا زاڭ مەن سوت الدىندا ءبارى تەڭ ەكەنىن انىق جازۋ ارقىلى وسى وزگەرىستەردىڭ ناتيجەسىن بەكەمدەي تۇسەمىز. وسى رەتتە سىبايلاس جەمقورلىقپەن ىمىراسىز كۇرەس جۇرگىزەمىز. بۇل - ءبىزدىڭ تاباندى ۇستانىمىمىز. بۇعان دەيىن ايتقانىمداي، جەمقورلارعا ەشقانداي اياۋشىلىق نەمەسە راقىمشىلىق بولمايدى. جەمقورلىق - كەز كەلگەن مەملەكەت ءۇشىن ۇلكەن زاۋال. ويتكەنى حالىقتىڭ سەنىمىنە سەلكەۋ تۇسىرەدى، ەل دامۋىنا كەدەرگى كەلتىرەدى جانە جۇرگىزىلىپ جاتقان رەفورمالاردىڭ ناتيجەسىن جوققا شىعارادى. سوندىقتان مەنىڭ ۇستانىمىم وزگەرمەيدى: كىنالىلەردىڭ ەشقايسىسى زاڭ جۇزىندەگى جاۋاپكەرشىلىكتەن سىتىلىپ كەتە المايدى. وعان لاۋازىمى دا، سىڭىرگەن ەڭبەگى دە، ءتىپتى ىقپالدى «قامقورشىلارى» دا كومەكتەسپەيدى. زاڭ الدىندا ءبارى بىردەي بولۋعا ءتيىس. سوندا عانا ءبىز رەفورمالاردى سوڭىنا دەيىن جەتكىزىپ، ەل-جۇرتىمىزدىڭ ءۇمىتىن اقتاي الامىز، - دەدى قاسىم-جومارت توقايەۆ.

Photo credit: Akorda

عىلىم مەن بىلىمدە جاتتاندىلىققا، فورماليزمگە جول بەرۋگە، سايىپ كەلگەندە، ءوزىڭدى الداۋعا بولمايدى. بۇل تۋرالى III ستراتەگيالىق سەرىكتەستەر فورۋمىندا مەملەكەت باسشىسى قاسىم-جومارت توقايەۆ ايتتى.