OLX- تەگى جارناما، «وپەراتوردان» قوڭىراۋ: اقمولا وبلىسىنىڭ 33 تۇرعىنى سان سوعىپ قالدى

استانا. KAZINFORM - اقمولا وبلىسىنىڭ 33 تۇرعىنى الاياقتاردىڭ ارباۋىنا ءتۇسىپ قالعان، دەپ حابارلايدى وڭىرلىك پروكۋراتۋرانىڭ باسپا ءسوز قىزمەتى.

تاعى دا ماركەتپلەيستەر ارقىلى تاۋار ساتىپ الۋ، سونداي- اق قوڭىراۋ شالعان «ۇيالى بايلانىس وپەراتورلارىنا» سەنۋ ارقىلى ازاماتتار اقشاسىنان ايىرىلدى.

وسى اپتادا بەلگىسىز تۇلعا وبلىس تۇرعىنىنا تەلەفون سوعىپ، ءوزىن ۇ ق ك- ءنىڭ قىزمەتكەرىمىن دەپ تانىستىرىپ، الاياقتىق جولمەن 750 مىڭ تەڭگە نەسيە رەسىمدەگەن.

باسقا ءبىر جاعدايدا، OLX ارقىلى پاتەر جالداعىسى كەلگەن 3 ادام الاياققا 115000 تەڭگە الدىن الا تولەم اۋدارعان.

قازىرگى ۋاقىتتا الاياق انىقتالىپ، قاماۋعا الىندى.

وبلىس پروكۋراتۋراسى ساتۋشىنىڭ سەنىمدىلىگىنە كوز جەتكىزبەي، تاۋاردىڭ تولىق تولەمىن اۋدارماۋعا كەڭەس بەرەدى.