نيۋ-يورك پوليتسياسى ۆاشينگتونداعى اتىستان كەيىن ءدىني نىساندارداعى قاۋىپسىزدىكتى كۇشەيتەدى

نيۋ-يورك قۇقىق قورعاۋ ورگاندارى ۆاشينگتونداعى Capital Jewish Museum (ەۆرەيلەر مۇراجايى) ماڭىندا بولعان اتىستان كەيىن ءدىني نىساندار مەن مادەنيەت مەكەمەلەرىنىڭ قاۋىپسىزدىگىن كۇشەيتەدى. اتىس سالدارىنان يزرايل ەلشىلىگىنىڭ ەكى قىزمەتكەرى قازا تاپقان ەدى، دەپ حابارلايدى ت ا س س.

بۇل تۋرالى قۇقىق قورعاۋ ورگاندارى X (بۇرىنعى Twitter) جەلىسىندە مالىمدەدى.

- نيۋ-يوركپەن ەشقانداي بايلانىس بولماسا دا، ۆاشينگتوندا يەۆرەيلەر مەن يزرايلدىكتەرگە باعىتتالعان بۇل جانتۇرشىگەرلىك شابۋىلعا جاۋاپ رەتىندە نيۋ-يورك پوليسياسى ءدىني نىساندار مەن مادەنيەت مەكەمەلەرى ماڭىنا قوسىمشا پاترۋلدىك جاساقتار، قارۋلى توپتار مەن لاڭكەستىككە قارسى بولىمشە قىزمەتكەرلەرىن ورنالاستىرادى، - دەلىنگەن حابارلامادا.

ا ق ش ادىلەت ءمينيسترى پەم ءبونديدىڭ ايتۋىنشا، شابۋىل جاساعان كۇدىكتى جالعىز ارەكەت ەتكەن جانە قازىرگى ۋاقىتتا قاماۋدا وتىر.

قايعىلى وقيعا ۆاشينگتونداعى ۆاشينگتونداعى Capital Jewish Museum (ەۆرەيلەر مۇراجايى) ماڭىندا بولعان. قالا پوليسياسىنىڭ باسشىسى پامەلا ءسميتتىڭ حابارلاۋىنشا، ءبىر ەر ادام جانە ءبىر ايەل (ديپلومات) قازا تاپقان. ولار مۋزەيدە وتكەن ءىس- شارادان شىققان ساتتە كۇدىكتى وق جاۋدىرعان. ۇستالعان كەزدە ول «پالەستيناعا بوستاندىق!» دەپ ۇرانداتقان.

ايتا كەتەلىك ۆاشينگتوندا يزرايل ەلشىلىگىنىڭ ەكى قىزمەتكەرى وققا ۇشقانى تۋرالى جازعان ەدىك.