جاپون جازۋشىسى كەندزابۋرو وە 1994 -جىلى «اقىندىق قۋاتى ارقىلى ادامزات الدىنداعى قيىنشىلىقتاردى ايقىندايتىن كوركەم كەڭىستىك جاساپ شىعارعانى» ءۇشىن نوبەل سىيلىعىمەن ماراپاتتالادى. الايدا بۇل جاڭالىق اناسىن اسا قۋانتپاعان سياقتى.
جازۋشى سۇحباتىنىڭ بىرىندە بىلاي دەپ اعىنان جارىلادى:
«بالا كەزىمدە مەن اناما نوبەل سىيلىعىن الامىن دەپ ۋادە بەردىم. 50 جىلدان كەيىن اناما: «كوردىڭىز بە، مەن ۋادەمدى ورىندادىم. مەن نوبەل سىيلىعىن الدىم» ، دەسەم، «جوق، سەن نوبەلدى فيزيكادان الامىن دەپ ۋادە بەرگەنسىڭ»، دەپ كۇلگەن ەدى انام».
شاماسى جازۋشىنىڭ اناسى بالاسىنىڭ فيزيك بولعانىن قالاعان شىعار. ءيا، بۇل جاي عانا جاراسىمدى ءازىل. ايتپەسە بالاسى بايگەنىڭ الدىنان كەلسە قۋانبايتىن انا بار ما؟
ابزال ماقاش
egemen.kz
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.