ميلان قىسقى وليمپيادا ويىندارىنا كەرلينگتەن جولداما العان العاشقى قۇرامالار بەلگىلى بولدى

استانا. قازاقپارات - 2026-جىلعى ميلان-كورتينا قىسقى وليمپيادا ويىندارىنىڭ كەرلينگ سپورتىنان العاشقى جولدامالار ۇلەستىردى.

حالقارالىق وليمپيادا كوميتەتىنىڭ حابارلاۋىنشا، كەرلينگتەن ايەلدەر مەن ەرلەر اراسىنداعى، سونىمەن قاتار ارالاس جۇپتىق سىندا 2025-جىلعى الەم چەمپيوناتىنىڭ اياقتالۋى جانە وليمپيادالىق ىرىكتەۋ ۇپايلارىنىڭ تۇپكىلىكتى ۇلەستىرىلۋىنەن كەيىن جەتى ايەلدەر كومانداسى جانە جەتى ەرلەر كومانداسى 2026-جىلعى قىسقى وليمپيادا ويىندارىنا جولداما الدى.

وليمپيادانى قابىلداۋشى ەل رەتىندە يتاليا قۇراماسى تىكەلەي جولداماعا يە بولدى. ال قالعان ەكى جولداما يەگەرى جەلتوقسان ايىندا وتەتىن وليمپيادالىق ىرىكتەۋ ءتۋرنيرى ارقىلى انىقتالادى.

كەرلينگتەن 2026 قىسقى وليمپيادا ويىندارىنا جولداما العان كوماندالار:

ەرلەر:

1. يتاليا (قابىلداۋشى ەل)

2. كانادا

3. چەح رەسپۋبليكاسى

4. گەرمانيا

5. ۇلى بريتانيا

6. نورۆەگيا

7. شۆەتسيا

8. شۆەيتساريا

ايەلدەر:

1. يتاليا (قابىلداۋشى ەل)

2. كانادا

3. دانيا

4. ۇلى بريتانيا

5. قىتاي

6. وڭتۇستىك كورەيا

7. شۆەتسيا

8. شۆەيتساريا

ارالاس جۇپ:

1. يتاليا (قابىلداۋشى ەل)

2. كانادا

3. ەستونيا

4. ۇلى بريتانيا

5. نورۆەگيا

6. شۆەيتساريا

7. شۆەتسيا

8. ا ق ش

ەسكە سالايىق، 2026-جىلعى وليمپيادا ويىندارى 6-22-اقپان ارالىعىندا يتاليانىڭ ميلان جانە كورتينا- د’امپەتستسو قالالارىندا وتەدى.

وسىعان دەيىن حابارلاعانىمىزداي، قازاقستان ۇلتتىق وليمپيادالىق كوميتەتى 2026-جىلعى وليمپيادا ويىندارىنا رەسمي شاقىرتۋ الدى.