استانا. KAZINFORM - ميانماداعى جويقىن جەر سىلكىنىسىنەن قازا تاپقانداردىڭ سانى 1002 گە جەتتى، 2376 ادام زارداپ شەككەندەر تىزىمىندە، دەپ حابارلايدى BBC ەلدىڭ اسكەري بيلىگىنە سىلتەمە جاساپ.
ۇيىندىلەر تازارتىلعان سايىن قۇرباندار سانى ارتۋى مۇمكىن، دەپ ەسەپتەيدى قۇتقارۋشىلار. قىتاي، ءۇندىستان جانە رەسەي قازىردىڭ وزىندە ميانماعا مەديتسينالىق جانە قۇتقارۋ توپتارىن جىبەردى.
28-ناۋرىز، جۇما كۇنى تۇستەن كەيىن جەرگىلىكتى ۋاقىت بويىنشا كۇشى 7,7 جانە 6,4 بالدىق ەكى جەر استى دۇمپۋلەرى تىركەلدى.
جەر سىلكىنىسى قىتاي مەن تايلاندتا دا سەزىلدى؛ ناتيجەسىندە بانگكوكتا اياقتالماعان ءزاۋلىم عيمارات قۇلادى، ونىڭ قيراندىلارىنىڭ استىندا بىرنەشە ونداعان ادام بولۋى مۇمكىن دەپ بولجاندى.
بۇعان دەيىن حابارلانعانداي، ميانمادا جەر سىلكىنىسى سالدارىنان توتەنشە جاعداي جاريالاندى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан