ەمومالي راحمون ەكى ەلدىڭ ىنتىماقتاستىعىن جوعارى باعالادى
19:58, 22 - تامىز 2024
دۋشانبە. KAZINFORM - ەمومالي راحمون قاسىم-جومارت توقايەۆپەن جۇرگىزگەن كەلىسسوزدەردىڭ قورىتىندىسىنا كوڭىلى تولاتىنىن جەتكىزىپ، ەكى ەلدىڭ ىنتىماقتاستىعىن جوعارى باعالادى. بۇل تۋرالى اقوردانىڭ باسپا ءسوز قىزمەتى ءمالىم ەتتى.
- بۇگىنگى ءوزارا سەنىمگە قۇرىلعان كەلىسسوزدەر بارىسىندا ءبىز تۇراقتى ساياسي ديالوگتى ودان ءارى قولداۋعا دايىن ەكەنىمىزدى تاعى دا راستادىق. وسىنىڭ نەگىزىندە قازاق-تاجىك بايلانىستارىنىڭ قۇقىقتىق بازاسىن ايتارلىقتاي نىعايتاتىن ءبىرقاتار ماڭىزدى قۇجات بەكىتىلدى. وداقتاستىق قاتىناستار تۋرالى شارتقا قول قويىلدى. مۇنىڭ تاريحي ءمانى زور ەكەنىن اتاپ وتكىم كەلەدى. بۇل ماڭىزدى قۇجات ەكى ەلدىڭ ىنتىماقتاستىعى جىلناماسىنىڭ جاڭا پاراعىن اشادى جانە ستراتەگيالىق سەرىكتەستىگىمىزدىڭ مىعىم ىرگەتاسى بولادى، - دەدى تاجىكستان پرەزيدەنتى.