كەڭەسكە سۋ رەسۋرستارى جانە يرريگاتسيا، سيفرلىق دامۋ، يننوۆاتسيالار جانە اەروعارىش ونەركاسىبى، توتەنشە جاعدايلار، ەكولوگيا جانە تابيعي رەسۋرستار، قارجى ۆيتسە- مينيسترلەرى قاتىستى. بۇل تۋرالى ق ر پرەمەر- ءمينيسترىنىڭ سايتى جازدى.
ءمالىم بولعانداي، اقپاراتتىق جۇيەگە ءتورت مودۋل كىرەدى: دەرەكتەردى جيناۋ، تالداۋ، بولجاۋ جانە مودەلدەۋ. ول «قازاقستان عارىش ساپارى»، «قازگيدرومەت» جانە «ۇلتتىق گەودەزيا جانە كەڭىستىكتىك اقپارات ورتالىعىنىڭ» جەدەل جانە كوپ جىلدىق دەرەكتەرىن پايدالاناتىن بولادى.
سونداي-اق جۇيە سۋ تاسقىنى، سەل، كوشكىن قاۋپى بار ۋچاسكەلەر مەن گيدروتەحنيكالىق قۇرىلىستار بويىنشا ت ج م دەرەكتەر بازاسىمەن بىرىكتىرىلەدى.
«سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ەۋروپالىق جەردى قاشىقتان زوندتاۋ باعدارلاماسىن قولدانۋدى ۇسىندى. سونىمەن قاتار ۆيتسە- پرەمەر وتاندىق تسيفرلىق شەشىمدەردى قاراستىرۋدى تاپسىردى. بۇعان قوسا، اۋقىمدى دەرەكتەر كوزىن قالىپتاستىرۋ ءۇشىن ۆيتسە- پرەمەر گيدرو جانە مەتەوپوستتاردىڭ سانىن كوبەيتۋدى، سۋ ايدىندارى مەن وزەندەردىڭ باتيمەترياسىن جۇرگىزۋدى، سونداي- اق سۋ تاسقىنى قۇبىلىستارى ءجيى ورىن الاتىن ەلدى مەكەندەردىڭ „سيفرلىق رەلەفىن“ قۇرۋدى تاپسىردى»، - دەلىنگەن حابارلامادا.