لوندون. KAZINFORM - سەنبى كۇنى لوندوننىڭ ورتالىعىندا شامامەن 100 مىڭنان استام ادام قاتىسقان زاڭسىز ميگراتسياعا قارسى نارازىلىق شەرۋى ءوتتى. بۇل شارانى وڭشىل راديكال بەلسەندى ستيۆەن ياكسلي-لەننون (كوپشىلىككە توممي روبينسون اتىمەن تانىمال) ۇيىمداستىردى، دەپ جازدى شينحۋا.
«بىرىككەن كورولدىكتى بىرىكتىرەيىك» ۇرانىمەن وتكەن شەرۋگە بايلانىستى پوليتسيانىڭ قاتاڭ باقىلاۋى كۇشەيتىلدى. نارازىلىق بارىسىندا ءوزارا جانە پوليتسيامەن ارادا قاقتىعىستار بولدى، ناتيجەسىندە بىرنەشە ادام قاماۋعا الىندى.
جەرگىلىكتى باق- تىڭ حابارلاۋىنشا، بۇل شەرۋدىڭ اۋقىمى سوڭعى ونداعان جىلداعى ۇلىبريتانياداعى ەڭ ءىرى ۋلتراوڭشىل نارازىلىقتاردىڭ ءبىرى بولۋى مۇمكىن.
ۇلى بريتانيا ۇكىمەتى زاڭسىز ميگراتسيا ماسەلەسىندەگى ساياساتى ءۇشىن قوعام تاراپىنان ءوسىپ كەلە جاتقان قىسىمعا تاپ بولىپ وتىر. وتكەن دەمالىس كۇندەرى 1000-نان استام ميگرانت لا-مانشتى شاعىن قايىقتارمەن كەسىپ وتكەن، وسىلايشا 2025 -جىلى ەلگە كەلگەن زاڭسىز ميگرانتتار سانى 30 مىڭنان اسىپ ءتۇستى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан