استانا. KAZINFORM - مەملەكەت باسشىسى قاسىم-جومارت توقايەۆ قازاقستان رەسپۋبليكاسىنىڭ ۇلتتىق قورىنان بولىنگەن قاراجاتتىڭ ءتيىمدى ءارى زاڭدى پايدالانىلۋىن باقىلاۋ ماقساتىندا ارنايى كوميسسيا قۇرۋ تۋرالى جارلىققا قول قويدى.
قۇجاتقا سايكەس، قازاقستان رەسپۋبليكاسىنىڭ بيۋدجەت كودەكسىنىڭ 59-بابى 4-تارماعىنا وراي، ۇلتتىق قوردان بولىنەتىن قاراجاتتىڭ جۇمسالۋىن مونيتورينگىلەۋ جونىندەگى كوميسسيا قۇرىلدى.
سونىمەن قاتار مەملەكەت باسشىسى كوميسسيانىڭ ەرەجەسى مەن جۇمىس ءتارتىبىن، سونداي-اق ونىڭ قۇرامىن بەكىتتى.
جارلىقپەن بىرگە ءبىرقاتار بۇرىنعى پرەزيدەنتتىك اكتىلەردىڭ كۇشى جويىلدى دەپ تانىلدى.
قۇجات قول قويىلعان كۇننەن باستاپ كۇشىنە ەنەدى.
ايتا كەتەيىك، بۇعان دەيىن پرەزيدەنت جوعارى اسكەري اتاقتار تۋرالى جارلىققا قول قويعان بولاتىن.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.