مەملەكەت باسشىسى ىقىلاسپەن قارسى الىپ، قوناقجايلىق تانىتقانى ءۇشىن تۇرىكمەنستان پرەزيدەنتىنە العىس ايتتى. سونداي-اق دوستىققا، تاتۋ كورشىلىككە جانە ءوزارا قولداۋعا نەگىزدەلگەن قازاق- تۇرىكمەن قارىم-قاتىناسىنىڭ جوعارى دەڭگەيدە ەكەنىن اتاپ ءوتتى.
كەزدەسۋدە تاراپتار ىقپالداستىقتىڭ بارلىق باعىتىندا وڭ ديناميكا بايقالاتىنىنا توقتالدى.
مەملەكەتتەر باسشىلارى بۇعان دەيىن قول جەتكىزىلگەن ۋاعدالاستىقتاردى، سونداي- اق ەنەرگەتيكا، ونەركاسىپ، اۋىل شارۋاشىلىعى، كولىك جانە باسقا دا سالالارداعى بىرلەسكەن پەرسپەكتيۆتى جوبالاردى جۇزەگە اسىرۋ بارىسىن تالقىلادى.
بۇدان بولەك، مادەني-گۋمانيتارلىق بايلانىستاردى كەڭەيتۋگە باسا نازار اۋدارىلدى.
سونىمەن قاتار الداعى بىرلەسكەن ءىس-شارالار كەستەسى قاراستىرىلدى.
ايتا كەتەيىك، پرەزيدەنت ورتالىق ازيا جانە ازەربايجان مەملەكەتتەرى باسشىلارىنىڭ VIII كونسۋلتاتيۆتىك كەزدەسۋىنە قاتىستى.