- قازاقستان باۋىرلاس رەسەيمەن ستراتەگيالىق سەرىكتەستىك جانە وداقتاستىق رۋحىندا دايەكتى تۇردە دامىپ كەلە جاتقان دوستىق ءارى تاتۋ كورشىلىك قارىم-قاتىناستى جوعارى باعالايدى. ءسىزدىڭ جۋىردا قازاقستانعا جاساعان مەملەكەتتىك ساپارىڭىز ايرىقشا مانگە يە. ونىڭ ناتيجەسى ءوزارا ءتيىمدى ىنتىماقتاستىقتىڭ كوكجيەگىن كەڭەيتىپ، اۋقىمدى جوبالار مەن باستامالاردى جۇزەگە اسىرۋعا تىڭ سەرپىن بەردى. بىرلەسكەن كۇش-جىگەرىمىزدىڭ ارقاسىندا قازاقستان مەن رەسەي اراسىنداعى مەملەكەتارالىق بايلانىستار الداعى ۋاقىتتا بارلىق سالادا قارقىندى دامي بەرەدى دەپ سەنەمىن، - دەلىنگەن جەدەلحاتتا.
قاسىم-جومارت توقايەۆ ۆلاديمير پۋتيننىڭ رەسەي فەدەراتسياسىنىڭ يگىلىگى مەن وركەندەۋى جولىنداعى جاۋاپتى مەملەكەتتىك قىزمەتىنە تولايىم تابىس تىلەدى.
وسىعان دەيىن مەملەكەت باسشىسى كانادا گەنەرال-گۋبەرناتورى لۋيزا اربۋردى قۇتتىقتاعان بولاتىن.