استانا. KAZINFORM - پرەزيدەنت قاسىم-جومارت توقايەۆ ماسكەۋدە وتەتىن جەڭىستىڭ 81 جىلدىعىنا ارنالعان سالتاناتتى ءىس-شارالارعا قاتىسادى. بۇل تۋرالى پرەزيدەنتتىڭ كەڭەسشىسى –باسپا ءسوز حاتشىسى ايبەك سمادياروۆ حابارلادى.
كرەمل قازاقستان پرەزيدەنتىنىڭ بۇل شەشىمىنە ريزاشىلىق ءبىلدىرىپ، ماسكەۋگە جاسايتىن جۇمىس ساپارىن دوستىق قادام دەپ اتادى.
ساپار اياسىندا قاسىم-جومارت توقايەۆتىڭ ۆلاديمير پۋتينمەن كەزدەسۋى جوسپارلانعان.
مەملەكەتتەر باسشىلارى رەسەي پرەزيدەنتىنىڭ مامىر ايىنىڭ سوڭىندا قازاقستانعا جاسايتىن ساپارى قارساڭىندا ستراتەگيالىق ىنتىماقتاستىقتىڭ باستى ماسەلەلەرىن تالقىلايدى.
ەسكە سالا كەتەيىك، بۇعان دەيىن مەملەكەت باسشىسى «الاتاۋ قالاسىنىڭ ارناۋلى قۇقىقتىق رەجيمى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا قول قويعانىن جازعان ەدىك.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.