پرەزيدەنت وسى تاريحي كەلىسىمگە قول جەتكىزۋگە ىقپال ەتكەن پاكىستاننىڭ كونسترۋكتيۆتى ءرولىن جوعارى باعالاپ، شاحباز شاريفتىڭ كورەگەن كوشباسشىلىعىن جانە ونىڭ قاقتىعىستاردى بەيبىت جولمەن شەشۋ قاعيداتىن دايەكتى تۇردە جاقتايتىنىن اتاپ ءوتتى.
مەملەكەت باسشىسى اتالعان ۋاعدالاستىق تاياۋ شىعىستا جانە تۇتاس الەمدە ۇزاقمەرزىمدى تۇراقتىلىقتى قامتاماسىز ەتۋ تۇرعىسىنان ايرىقشا مانگە يە ەكەنىنە نازار اۋداردى.
سونداي-اق پرەزيدەنت يسلاماباد وڭىرلىك قاۋىپسىزدىك پەن مەملەكەتتەر اراسىنداعى سەنىمدى نىعايتۋعا ەلەۋلى ۇلەس قوسۋىن جالعاستىرا بەرەتىنىنە ءۇمىت ارتاتىنىن جەتكىزدى.
قاسىم-جومارت توقايەۆ قازاقستاننىڭ پاكىستانمەن سان قىرلى ىنتىماقتاستىقتى ودان ءارى كەڭەيتۋگە دايىن ەكەنىن راستاپ، پرەمەر-ءمينيستردىڭ جاۋاپتى قىزمەتىنە تابىس تىلەدى.
ايتا كەتەيىك، بۇگىن پرەزيدەنت اتىراۋ، جامبىل، ماڭعىستاۋ جانە ۇلىتاۋ وبلىستارى اكىمدەرىنە تاپسىرما بەردى.