ءىس-شاراعا پرەمەر-مينيستر ولجاس بەكتەنوۆ، پرەزيدەنت اكىمشىلىگىنىڭ باسشىسى رومان سكليار، ۇلتتىق بانك ءتوراعاسى تيمۋر سۇلەيمەنوۆ، جوعارى اۋديتورلىق پالاتا ءتوراعاسى ءاليحان سمايىلوۆ، پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين، پرەزيدەنتتىڭ ەكونوميكالىق ماسەلەلەر جونىندەگى كومەكشىسى نۇرلان بايبازاروۆ جانە قارجى ءمينيسترى ءمادي تاكيەۆ قاتىستى.
پرەزيدەنتكە ەكونوميكانىڭ قازىرگى احۋالى تۋرالى باياندالىپ، 2027-2029-جىلدارعا ارنالعان الەۋمەتتىك-ەكونوميكالىق دامۋ بولجامدارى، 2027-2029-جىلعى رەسپۋبليكالىق بيۋجەت پارامەترلەرى جونىندە مالىمەت بەرىلدى.
تالقىلاۋ بارىسىندا قاسىم-جومارت توقايەۆ بيىل ەكونوميكالىق ءوسىم كورسەتكىشتەرىنە قول جەتكىزۋ، سونداي-اق رەسپۋبليكالىق جانە جەرگىلىكتى بيۋجەت تەڭگەرىمدىلىگىن قامتاماسىز ەتۋ قاجەتتىگىن اتاپ ءوتتى.
مەملەكەت باسشىسى 2027-2029-جىلدارعا ارنالعان بيۋجەتتىڭ نەگىزگى باسىمدىقتارىنىڭ ءبىرى - اۋرۋحانا، بالالاردى وڭالتۋ ورتالىعى، مادەنيەت، سپورت عيماراتتارى سەكىلدى ينفراقۇرىلىمدىق جانە الەۋمەتتىك نىساندار قۇرىلىسىن جەدەلدەتىپ سالۋ كەرەك ەكەنىن ايتتى.
ايتا كەتەيىك، وسىعان دەيىن مەملەكەت باسشىسى 2026-جىلعى قاڭتار-شىلدە ايلارىنداعى اقشا-كرەديت ساياساتىن جۇزەگە اسىرۋ قورىتىندىسى تۋرالى ەسەپتى تىڭدادى.