ۆلاديمير پۋتين يران مەن يزرايل اراسىنداعى جانجالدى شەشۋدىڭ جولى تۋرالى پىكىر ءبىلدىردى
استانا. KAZINFORM - رەسەي پرەزيدەنتى ۆلاديمير پۋتين دۇنيەجۇزىنىڭ جەتەكشى اقپارات اگەنتتىكتەرى باسشىلارىمەن كەزدەسۋ بارىسىندا يران مەن يزرايل اراسىنداعى جانجالدى بارلىق تاراپتىڭ مۇددەسىن ەسكەرە وتىرىپ كەلىسسوز ارقىلى شەشكەن ءجون بولار ەدى دەگەن پىكىرىن ءبىلدىردى، دەپ حابارلايدى Kazinform ءتىلشىسى.
ونىڭ ايتۋىنشا، كەلىسىم يراننىڭ بەيبىت اتومعا - تەك ەنەرگەتيكادا عانا ەمەس، تولىق قۇقىلى بولۋىن جانە يزرايلدىڭ ءسوزسىز قاۋىپسىزدىگىن قامتاماسىز ەتۋ قۇقىعىن قامتۋى كەرەك.
- جالپى العاندا، مۇنداي شەشىم تابۋعا بولادى. ءبىز ەشكىمگە ەشتەڭە تىقپالامايمىز، تەك جاعدايدان شىعۋعا قاتىستى ءوز كوزقاراسىمىزدى ۇسىنامىز. ءبىراق تۇپكىلىكتى شەشىمدى يران مەن ءيزرايلدىڭ ساياسي باسشىلىعى قابىلدايدى، - دەدى ۆلاديمير پۋتين.
بۇعان دەيىن رەسەي يزرايل مەن يرانعا اراعايىندىق جاساۋعا دايىن ەكەنىن مالىمدەگەن.