استانا. قازاقپارات - جامبىل وبلىسى جۋالى اۋدانىنداعى پوليتسيا قىزمەتكەرلەرى الماتى وبلىسىنىڭ تۇرعىنىن مەملەكەتتىك تىركەۋ نومىرلەرى وقىلمايتىن اۆتوكولىكتى باسقارعانى ءۇشىن ۇستادى. جۇرگىزۋشىگە 1 جىلعا كۋالىگىنەن ايىرۋ جازاسى تاعايىندالدى، دەپ حابارلايدى Polisia.kz سايتى.
Sitrak كولىگى باتىس ەۋروپا - باتىس قىتاي رەسپۋبليكالىق ماڭىزى بار جولىنىڭ 564-شاقىرىمىندا توقتاتىلدى. تەكسەرۋ بارىسىندا جۇرگىزۋشى مەملەكەتتىك نومىرلەردەگى ارىپتەردى قىزىل قاعازبەن جاۋىپ تاستاعانى انىقتالدى. ول تاۋاردى تاشكەنت قالاسىنان الماتى وبلىسىنا تاسىمالداۋشى ەكەن.
ەر ادامعا قاتىستى مەملەكەتتىك تىركەۋ ءنومىرى بەلگىسىن سايكەستەندىرۋگە كەدەرگى كەلتىرەتىن نە ولاردىڭ ءتۇرىن وزگەرتەتىن نەمەسە جاسىراتىن قۇرىلعىلار مەن ماتەريالدار قولدانىلا وتىرىپ جابدىقتالعان كولىك قۇرالىن باسقارۋ بويىنشا حاتتاما جاسالدى. كولىك ايىپ تۇراعىنا قويىلدى. سوت شەشىمى بويىنشا ەر ادامعا قاتىستى ءبىر تاۋلىككە قاماۋعا الۋ جانە 1 جىلعا جۇرگىزۋشى كۋالىگىنەن ايىرۋ جازاسى تاعايىندالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан