جوعارى مارتەبەلى مەيماننىڭ كەلۋىنە وراي سالتاناتتى راسىمدەر زالىندا قۇرمەت قاراۋىلى ساپ تۇزەدى.
قاسىم-جومارت توقايەۆ پەن حۋن مانەت رەسمي دەلەگاتسيا مۇشەلەرىن ءبىر-بىرىنە تانىستىردى. قازاقستان دەلەگاتسياسى قۇرامىندا ق ر سىرتقى ىستەر ءمينيسترى مۇحتار تىلەۋبەردى، استانا اكىمى جەڭىس قاسىمبەك بار.
ودان كەيىن قۇرمەت قاراۋىلى روتاسىنىڭ كومانديرى سالتاناتتى راپورت بەردى. پرەزيدەنت وركەسترى قازاقستان مەن كامبودجانىڭ مەملەكەتتىك ءانۇراندارىن ورىندادى.
سالتاناتتى راسىمنەن سوڭ قازاقستان پرەزيدەنتى مەن كامبودجا پرەمەر-ءمينيسترى كىلەم توسەلگەن جولمەن قازاقستاننىڭ مەملەكەتتىك تۋىنا قاراي ءجۇرىپ ءوتتى. بۇدان كەيىن تاراپتار كەلىسسوزدەر جۇرگىزۋگە كىرىستى.
ايتا كەتەيىك، 2026-جىلعى قاڭتار-تامىز ايلارىندا قازاقستان مەن كامبودجا اراسىنداعى تاۋار اينالىمى 29,4 ميلليون دوللار بولدى. بۇل وتكەن جىلعى وسى كەزەڭىمەن سالىستىرعاندا %3,2 عا كوپ.
قازاقستانعا كامبودجادان كوبىنە توقىما جانە تريكوتاج بۇيىمدارى، اياق كيىم مەن كەيبىر تۇتىنۋ تاۋارلارى جەتكىزىلەدى. ال قازاقستان كامبودجاعا نەگىزىنەن باقىلاۋ- ولشەۋ قۇرالدارىن ەكسپورتتايدى.
ەسكە سالا كەتسەك، بيىل شىلدە ايىندا شانحايدا وتكەن دۇنيەجۇزىلىك جاساندى ينتەللەكت جونىندەگى كونفەرەنتسيا اياسىندا مەملەكەت باسشىسى كامبودجا پرەمەر- ءمينيسترى حۋن مانەتپەن كەزدەسكەن ەدى. حۋن مانەت كامبودجانىڭ قازاقستانمەن قارىم-قاتىناستى نىعايتۋعا مۇددەلى ەكەنىن راستادى.